கடந்த வாரம் கர்நாடகாவைச் சேர்ந்த பிரபல பாடி பில்டரும் உடற்பயிற்சி பயிற்சியாளருமான சித்ரா புருஷோத்தம், தனது தனித்துவமான திருமண புகைப்படங்களால் இணையத்தையே அலறவிட்டார்.  உண்மையில் இப்படியொரு வெட்டிங் போட்டோகிராபியை இதுவரை இதற்குமுன் யாரும் கண்டிருக்கமாட்டார்கள். 

ஏனெனில், இதில் ரவிக்கை அணியாமல் காஞ்சிபுரம் சேலையைக் கட்டியபடி, கழுத்து நிறைய நகைகளை அணிந்துகொண்டு, பாடி பில்டிங் போட்டியில் நிற்பதுபோல கைகளின் புஜங்களைக் காட்டிக் கொண்டிருக்கிறார் சித்ரா புருஷோத்தம்.

ஏற்கனவே சித்ரா புருஷோத்தமின் இன்ஸ்டாகிராம் பக்கத்தை ஒரு லட்சத்து 38 ஆயிரம் பேர் ஃபாலோ செய்து வருகின்றனர். இந்நிலையில் இந்த போட்டோகிராபி வைரலாக, மேலும் பலர் பார்த்துள்ளனர். 

இந்தியாவில் பாடி பில்டிங் என்பது ஆண்கள் மட்டுமே பங்கேற்கும் ஒரு விளையாட்டாக இருந்துவருகிறது. இதில் பெண்களும் ஜொலிக்கலாம் என தொடர்ந்து உடலை மேருகேற்றி பாடி பில்டிங்கில் அசத்தி வருபவர் சித்ரா புருஷோத்தம்.