97வது ஆஸ்கர் விருது வழங்கும் விழா அமெரிக்காவின் லாஸ் ஏஞ்சல்ஸில் உள்ள டால்பி ஸ்டூடியோவில் மார்ச் 3ம் தேதி நடைபெற்றது. ‘அனோரா’, ‘எமிலியா பெரெஸ்’ போன்ற படங்களுக்கு பல விருதுகள் கிடைத்தன.விஷயம் அதுவல்ல.‘நோ அதர் லேண்ட்’ என்ற ஆவணப்படம், ஆஸ்கர் விருதைப் பெற்றதே... அதுதான் செய்தி. 

இது இஸ்ரேலிய அரசால் புலம்பெயரும் ஒரு பாலஸ்தீனிய குடும்பத்தைப் பற்றிய கதையைச் சொல்லும் படம்.இந்த ஆவணப்படத்தை, இஸ்ரேல் மற்றும் பாலஸ்தீனிய சமூக செயற்பாட்டாளர்களான பேசெல் அத்ரா, ஹம்தான் பலால், யுவல் ஆப்ரகாம் மற்றும் ரேச்சல் சோர் ஆகிய நால்வர் இணைந்து இயக்கியுள்ளனர். இவர்களில் ஒருவர் பெண்.

விருது பெறும் மேடையில் அவர்கள் செய்த செயல்தான் ஒட்டுமொத்த உலகையும் திரும்பிப் பார்க்க வைத்திருக்கிறது. ஆம். பாலஸ்தீன இன அழிப்புக்கு எதிராகக் குரல் கொடுத்து கவனம் ஈர்த்தனர். காசா போருக்கு அரசியல் தீர்வு காணப்பட வேண்டும் என்று ஆஸ்கர் மேடையில் வலியுறுத்தினர். 

இயக்குநர் அத்ரா  பேசும்போது, ‘இந்த உலகம் பாலஸ்தீன மக்களுக்கு எதிரான அநீதி குறித்து யோசிக்க வேண்டும். தீவிர நடவடிக்கைகளில் இறங்க வேண்டும் என எதிர்பார்க்கிறோம். பாலஸ்தீன மக்கள் மீதான இன அழிப்பை நிறுத்த வேண்டும் என்று வலியுறுத்துகிறோம்.