முன்னவர் வட இந்தியா... மற்றவர் தென்னிந்தியா.ஆனால், இந்தியாவின் பாட்ஷாஸ் இவர்கள் இருவரும்தான்.ம்ஹும். நாம் சொல்லவில்லை. ஹுரும் இந்தியா அமைப்பு வெளியிட்டுள்ள அறிக்கை இப்படித்தான் இவர்கள் இருவரையும் பட்டியலிட்டிருக்கிறது!பொதுவாக ‘பாலிவுட் பாட்ஷா’ என்று ஷாரூக் கானை ரசிகர்கள் அழைப்பது வழக்கம். 

இது வெறும் பட்டமல்ல... பாலிவுட்டில், தான் நிஜமாகவே பாட்ஷாதான் என்று நிரூபித்திருக்கிறார் ஷாரூக் கான். ஹுருன் இந்தியா அமைப்பு வெளியிட்டுள்ள 2024-ம் ஆண்டுக்கான பணக்காரர்கள் வரிசையில் ( Hurun India Rich List 2024) பாலிவுட்டின் முதல் பணக்காரர் என்ற பெருமையைப் பெற்றிருக்கிறார் ஷாரூக் கான்.

அதேபோல் கடந்த ஆண்டில் அவர் நடித்த ‘ஜவான்’ திரைப்படம் இந்திய அளவிலும் சர்வதேச அளவிலுமாக சேர்த்து  1,160 கோடி ரூபாயை வசூலித்துள்ளது.

பணக்கார நட்சத்திரங்கள் பட்டியலில் ஷாரூக் கானின் தோழியும், பாலிவுட் நடிகையுமான ஜூஹி சாவ்லா 2வது இடத்தில் இருக்கிறார். ஷாரூக் கானின் கேகேஆர் அணியின் மற்றொரு பங்குதாரரான ஜூஹி சாவ்லாவின் சொத்து மதிப்பு 4,600 கோடி ரூபாய். 2000 கோடி ரூபாய் சொத்து மதிப்புடன் இந்தப் பட்டியலில் 3-வது இடத்தில் இருக்கிறார் ஹ்ருத்திக் ரோஷன்.