‘‘இன்னைக்கு உலக அளவில் விண்வெளி சம்பந்தமான கண்டுபிடிப்புகள்ல இந்தியா வேகமாக வளர்ந்திட்டு வருது. இந்நேரத்துல இந்தத் துறையில் நிலையான மற்றும் செலவு குறைந்த தீர்வுகளின் தேவை ரொம்ப அவசியம். 

இதை மனதில் கொண்டுதான் மீண்டும் பயன்படுத்தக்கூடிய ருமி ஒன் ஹைபிரிட் ராக்கெட்டை உருவாக்கினோம். இது விண்வௌி ஆராய்ச்சியில் செலவைக் குறைக்கும். அதுமட்டுமில்லாமல் சுற்றுச்சூழலுக்கும் எந்தவித பாதிப்பையும் ஏற்படுத்தாது...’’ கண்களில் நம்பிக்கை மிளிரப் பேசுகிறார் ஆனந்த் மேகலிங்கம்.

நாசாவுக்கு அனுப்பின இந்த ஃபெம்டோ செயற்கைக்கோள்கள் காற்றுல எவ்வளவு ஈரப்பதம் இருக்கு, எவ்வளவு நச்சுத்தன்மை இருக்கு, ஓசோன் சதவிகிதம் என்ன… இந்தமாதிரி நிறைய விஷயங்களைக் கண்டுபிடிக்கும். முதல்லயே இதுக்கான ஆவணங்கள் எல்லாம் அவங்களுக்கு நாம் சமர்ப்பிக்கணும். அப்புறம் அவங்க தேர்ந்தெடுப்பாங்க. அப்படியாக என்னுடைய எட்டு க்யூப் செயற்கைக்கோள்கள் தேர்ந்தெடுக்கப்பட்டது.

ஆனா, எனக்கு விசா கிடைக்காததால் என்னால் அங்க போகமுடியல. பிறகு ஆன்லைன் வழியாக லைவ்ல பார்த்தேன். அப்புறம், கல்லூரியில் ஆராய்ச்சியாளராக வேலை செய்துகிட்டே அடுத்த கட்டத்தை நோக்கி நகரும்போது கொரோனா வந்திடுச்சு. அப்ப வருமானம் போதல. அந்நேரம்தான் இந்த ‘ஸ்பேஸ் சோன் நிறுவன’ ஐடியா வந்தது...’’ என்கிறவர், நிதானமாகத் தொடர்ந்தார்.

‘‘அரசின் எம்எஸ்எம்இனு சொல்லப்படுற குறு, சிறு மற்றும் நடுத்தரத் தொழில்கள் நிறுவனத்துல பதிவு பண்ணி இந்நிறுவனத்தைத் தொடங்கினேன். அப்ப நாசாவுல நூறு செயற்கைக்கோள்கள் அனுப்பினாங்க. அதுபோல நாமும் நூறு ஃபெம்டோ செயற்கைக்கோள்களை ஏன் பலூன்ல அனுப்பக்கூடாதுனு தோணுச்சு. 

நூறு செயற்கைக்கோள்களுக்கான டிசைன் பண்ணினேன். இதுக்கு பணம் தேவையாக இருந்தது. அப்ப டாக்டர் ஏ.பி.ஜே.அப்துல்கலாம் சர்வதேச பவுண்டேஷனிடம் பேசினேன். இதை அப்துல்கலாம் சார் குடும்பத்தினர் நடத்துறாங்க. அவங்க பண்ணுங்கனு ஊக்கம் கொடுத்தாங்க.

அதுக்காக நிறைய உழைச்சோம். இதோ... இப்ப இந்தியாவின் முதல் மறுபயன்பாட்டு ருமி ஒன் ஹைபிரிட் ராக்கெட்டை சென்னை அருகே அதே திருவிடந்தையில் இருந்து விண்ணில் செலுத்தியிருக்கோம். இந்தமுறை ஹைட்ராலிக் மொபைல் லான்ச் பேடை ரெடி பண்ணிக் கொண்டுவந்து அதிலிருந்து ராக்கெட்டை அனுப்பினோம். 

இந்த ராக்கெட்டை எட்டு முறை லான்ச் பண்ணலாம். அதாவது எட்டுமுறை பயன்படுத்திக்கலாம்...’’ எனப் பெருமிதமாகச் சொன்னவர், தொடர்ந்தார். ‘‘இந்தியாவில் இதுதான் முதல் மறுபயன்பாட்டு ராக்கெட். உலகளவில் அமெரிக்காவின் ஸ்பேஸ் எக்ஸ், சீனா உள்ளிட்டவை பண்ணியிருக்காங்க. ஜப்பான் மற்றும் ஐரோப்பிய நாடுகள் ரிசர்ச் அண்ட் டெவலப்மெண்ட்ல இருக்காங்க.  

ஆனா, ஹைபிரிட் எனும் நவீன தொழில்நுட்ப உந்துசக்தி முறையில் திரவ ஆக்சிஜன் ஏற்றம் மற்றும் திட எரிபொருள் உந்துசக்தி ஆகிய இரண்டையும் ஒன்றிணைத்து செயல்திறனை மேம்படுத்துறோம். இது நமக்கு ரொம்ப பாதுகாப்பானது. செலவும் குறைவு. எந்த பாதிப்பையும் ஏற்படுத்தாதது. 

சுற்றுச்சூழலுக்கும் ஏற்றது. அதனால், இதை பயன்படுத்தினோம்.  இப்ப ருமி ஒன் வெற்றியடைஞ்சிருக்கு. இதுல ருமி என்பது என் பையன் ருமித்ரனின் பெயர். நான் அவனுடன் இருக்கிற நேரம் ரொம்ப குறைவு. இந்த ராக்கெட்டுடன்தான் அதிக நேரம் செலவழிக்கிறேன். அதுக்காகவே அவன் பெயரை இந்த மிஷனுக்கு வச்சேன்.