காமெடி இல்லாத த்ரில்லர் படம்...

‘சிக்சர்’ படத்தை இயக்கிய சாச்சி இயக்கியுள்ள படம் ‘சட்டம் என் கையில்’. காமெடி நடிகர் சதீஷ், கதையின் நாயகனாக நடித்துள்ளார். இறுதிக் கட்ட வேலையில் பிசியாக இருந்த சாச்சியிடம் பேசினோம்.

கதைச் சுருக்கம் ப்ளீஸ்?

இது பக்கா த்ரில்லர் கதை. வழக்கமான சைக்கோ த்ரில்லர் கிடையாது. பாடல்கள், சண்டைக் காட்சி என த்ரில்லர் படத்துக்கான எந்த அம்சங்களும் இருக்காது. எந்தக் காட்சியும் கதையை விட்டு வெளியே போகாமல் அடுத்தடுத்து என்ன நடக்கும் என்ற ஆர்வத்தை தூண்டும்படி இருக்கும்.ஒரு நாளில் நடக்கும் கதை. மது அருந்திய காரணத்துக்காக ஹீரோ வாகன சோதனையில் போலீஸிடம் சிக்குகிறார். போலீஸ் பிடியில் இருக்கும் ஹீரோ எப்படி வெளியே வருகிறார்... ஹீரோவுடைய பின்னணி என்ன... என்ற சிம்பிள் கதை.