அமெரிக்க முன்னாள் அதிபர் டிரம்ப் மீது நடத்தப்பட்ட துப்பாக்கிச் சூடுதான் கடந்த சில நாட்களாக டாக் ஆஃப் த வர்ல்ட்.உண்மையில் அமெரிக்க ஜனாதிபதிக்கு கொடுக்கப்படும் பாதுகாப்புக்கு சற்றும் குறைவில்லாமல் முன்னாள் ஜனாதிபதிகளுக்கும் வழங்கப்படும். 

அந்த வகையில் பட்லர் நகரில் டிரம்ப் பொதுக்கூட்டத்துக்கு அருகே இருந்த கட்டடங்களின் உச்சிகள் அனைத்தையும் காவல்துறை பரிசோதனை செய்தது. டிரம்ப் பேசிய பொதுக்கூட்டத்துக்கு அருகே இருந்த ஒரு கட்டடத்தின் உச்சியில் இரு கரும்பூனை ஸ்னைப்பர் வீரர்கள் தயாராக பாதுகாப்புக்கு நின்றிருந்தார்கள.

வயலில் பதுங்கி இருந்த தாமஸ் ஓடிவந்து கட்டடத்தின் ஜன்னல், சுவரைப் பிடித்து தொற்றி மேலே ஏறினான். கட்டடத்துக்குள் காவல்துறை இருக்கலாம் என்பதால் படிகளை அவன் பயன்படுத்தவில்லை. 

கூட்டத்தில் இருந்த சிலர் அவனைப் பார்த்து சத்தமிட்டார்கள்.உடனே காவல்துறை அதிகாரி ஒருவர் மொட்டைமாடிக்கு விரைந்தார். தாமஸ் அதற்குள் ஏ.ஆர் 15 ரைபிளை எடுத்து சுடுவதற்கு செட் செய்துவிட்டான். காவல்துறை அதிகாரி மேலே சென்றதும், துப்பாக்கியை அவரை நோக்கித் திருப்பினான். அதிகாரி பயந்து மேலும் ஆட்களை அழைத்துவர கீழே விரைந்தார்.

டிரம்ப் உடனே இது கொலை முயற்சி என சுதாரித்து கீழே விழ... கரும்பூனைப் படை மேற்கொண்டு குண்டு விழாமல் அரண் அமைத்தார்கள். இதன் பிறகு மேலும் ஐந்து குண்டுகளை தாமஸ் சுடுகிறான். இதில் டிரம்ப்பின் பின்னே அமர்ந்திருந்த ஒருவர் பலியானார். 

இருவர் படுகாயம். இவை அனைத்தும் 42 நொடிகளில் நடக்கின்றன