2K Kids வாழ்க்கையை சொல்லியிருக்கோம்!

அனுஷ்காவின் ‘இஞ்சி இடுப்பழகி’ படத்துக்கு திரைக்கதை, வசனம் எழுதியவர் ராகவ் மிர்தாத். இப்போது ‘பன் பட்டர் ஜாம்’ படத்தை இயக்கியுள்ளார். ‘‘கைகளாலேயே வரையப்பட்ட இந்தப் படத்தின் முதல் பார்வை போஸ்டர் ரசிகர்களின் கவனத்தை ஈர்த்ததோடு படத்தின் மீதான எதிர்பார்ப்பையும் அதிகமாக்கியுள்ளது. சினிமா கனவுகளோடு சென்னைக்கு வந்த மதுரைக்காரர்களில் நானும் ஒருவன்...’’ முன்னுரையுடன் ஆரம்பித்தார் ராகவ் மிர்தாத்.

அது என்ன ‘பன் பட்டர் ஜாம்’?

படத்தோட திரைக்கதைக்கு ஓர் உணவுப் பொருள் தேவைப்பட்டுச்சு. சின்ன வயசுல ஏதோ ஓர் உணவு ஞாபகத்துல ஒட்டிட்டு இருக்கும். நீண்ட நாட்களுக்குப் பிறகு அந்த உணவைப் பார்க்கும்போது பழைய நிகழ்வுகள் மனசுக்குள் வந்து போகும். கதையோட தீமை உருவகப்படுத்ததான் இந்தத் தலைப்பு.இது ஃபேமிலி என்டர்டெயினர் படம். ஒரு மனிதனின் அடையாளமே குடும்பம். அவனுடைய எண்ணங்கள், அடையாளம் எல்லாமே அப்பா, அம்மா கொடுத்தது.

பெற்றோர்களுக்கு பிள்ளைகளிடம் சில எதிர்பார்ப்புகள் இருக்கும். அவர்கள் சாதிக்க முடியாததைப் பிள்ளைகள் சாதிக்கணும்னு நினைப்பாங்க. ஆனால், பெற்றோர்களும், பிள்ளைகளும் வடக்கு, தெற்கு என இரு துருவமாக இருப்பார்கள்.2 கே கிட்ஸ் தாட் பிராசஸுக்கும் அதற்கு முந்தைய ஜெனரேஷனுடைய தாட் பிராசஸுக்கும் எந்தவிதத்திலும் சம்பந்தமே இருக்காது. இந்த ஜெனரேஷன் லவ், ஃபிரெண்ட்ஷிப் என வாழ்க்கையை எப்படி அப்ரோச் பண்ணுகிறார்கள் என்பதை அழகான திரைக்கதையில் சொல்லியுள்ளோம்.