நியூயார்க்கைச் சேர்ந்த கேமரூனும், ஜூலியனும் இணை பிரியாத நண்பர்கள். தன் நண்பனின் உதவியுடன் ஓர் அசாதாரணமான கின்னஸ் சாதனையைப் படைத்திருக்கிறார் கேமரூன். அவரது வயது 18. ட்ரோன் மூலம் 469.5 அடி உயரத்திலிருந்து வீசப்பட்ட டென்னிஸ் பந்தை வெறுங்கையால் பிடித்திருப்பதுதான் கேமரூனின் கின்னஸ் சாதனை. 

இதற்கு முன்பு இவ்வளவு உயரத்திலிருந்து பூமியை நோக்கி விழும் பந்தை யாரும் பிடித்ததில்லை. இந்தச் சாதனையை செய்வதற்காக இரண்டு மாதங்களுக்கு மேல் தீவிரமான பயிற்சியை மேற்கொண்டிருக்கிறார் கேமரூன்.