இன்றைய நவீன வாழ்க்கைமுறையால் குடல் சம்பந்தப்பட்ட பல நோய்கள் வருகின்றன. இதில் எல்லோருக்கும் அல்சர் எனப்படும் குடல்புண் பற்றி மட்டுமே பொதுவாகத் தெரியும். இவை உணவுக்குழாய், இரைப்பை, சிறுகுடலில் ஏற்படும் புண்கள். ஆனால், பெருங்குடல் நோய்கள் பற்றிய விழிப்புணர்வு அவ்வளவாக இல்லை. 

குறிப்பாக இன்று பெருங்குடல் புற்றுநோய் பெரும் பிரச்னையாக உருவெடுத்திருக்கிறது. மேற்கத்திய நாடுகளிலேயே அதிகளவில் வந்த இந்தப் பெருங்குடல் புற்றுநோய் இன்று இந்தியாவில் அதிகரித்து வருவதாகச் சொல்கின்றனர் மருத்துவர்கள். இதனாேலயே உலக இரைப்பை குடலியல் அமைப்பு 2022 - 23ம் ஆண்டினை பெருங்குடல் புற்றுநோய் விழிப்புணர்வு ஆண்டாக அறிவித்தது.

ஆனா, இப்ப அவசர அவசரமாக சட்டையை மாட்டி பள்ளிக்கு அனுப்புவதிலேயே பெற்றோர் குறியாக இருக்காங்க. அதனால, காலையில் மலம் கழிப்பதையே குழந்தைகள் மறந்துடுறாங்க. மலம் சேர்ந்து ஒரு உணர்வு வந்தால்தான் மலம்கழிக்கணும்னு நினைக்கிறாங்க. இது நாளடைவில் மலச்சிக்கலை கொண்டு வந்துடுது.

சின்ன வயதிலேயே மலம் கழிக்கணும் என்கிற பயிற்சி இல்லாததும், மேற்கத்திய வாழ்க்கை முறையாக மாறிப்போனதும், ஃபாஸ்ட் ஃபுட், ஜங்க் ஃபுட்னு நிறைய சாப்பிடுறதும், போதுமான உடற்பயிற்சி இல்லாததும், தண்ணீர் சரியாகக் குடிக்காததும் நாளடைவில் பெருங்குடல் பிரச்னைகளைக் கொண்டு வந்துவிடும்.மலக்குடலில் புண்கள் வரலாம். அல்லது வீக் ஸ்பாட் டைவர்டிகுலம் என்று சொல்வோம், அது வரலாம். பிந்நாளில் பெருங்குடலில் புற்றுநோயும் வரலாம்.

 சாதாரணமாக போகும் மலத்தில் திடீரென மாற்றம் வந்தால் உடனே நாம் மருத்துவரை அணுகணும். நாங்க இதை change in bowel habits - அதாவது குடல் இயக்கத்தில் மாற்றம்னு சொல்வோம். திடீரென மலம் தண்ணீராகப் போகும். அல்லது மலச்சிக்கல் ஏற்படும். இந்த அறிகுறி தெரிஞ்சால் உடனே நாம் கவனிக்கணும். 

இதைப் பற்றிப் பேச வெட்கப்படக்கூடாது. அடுத்ததாக மலத்தில் ரத்தம் போகும். நிறைய பேர் மலத்தில் ரத்தம் வருவதைக் கண்டு மூலநோய்னு நினைச்சிடுவாங்க. சில மருத்துவர்கள் கூட மூலநோய் காரணமாக இருக்கும்னு நினைத்து ஆயின்ட்மென்ட் கொடுத்து அனுப்பிடுவாங்க. ஆனா, புற்றுநோயினாலும் மலத்தில் ரத்தம் வரும்.

அதை ஸ்கிரீனிங் கொலோனோஸ்கோப்பினு சொல்வாங்க. இந்த ஸ்கிரீனிங் பண்ணும்போது சின்ன கட்டிகள் தெரிந்தால் அதனை கொலோனோஸ்கோப்பி வழியாகவே எடுத்திடலாம். இந்தச் சிறுகட்டிகள் பல ஆண்டுகள் கழித்து புற்றுநோயாக மாறும் வாய்ப்பு இருக்கு. அதனால, இந்தச் சிறுகட்டிகளை எடுத்து புற்றுநோயைத் தடுக்கலாம். 

அதேபோல, ஸ்கிரீனிங் கொலோனோஸ்கோப்பி பண்ணும்போது புற்றுநோய் இருந்து, அதைத் தொடக்க நிலையிலேயே வெளியே பரவாத நிலையில் கண்டறிந்துவிட்டால் ஆபரேசன் செய்து குணப்படுத்திடலாம். நம் ஊரில் இந்த ஸ்கிரீனிங் கொலோனோஸ்கோப்பி என்கிற கான்செப்ட்டே இல்ல.

வரணும்னுதான்.

இதையொட்டி நாங்களும் கடந்த மே 29ம் தேதி தமிழக முதல்வர் ஸ்டாலின் அவர்களைச் சந்தித்து பெருங்குடல் புற்றுநோய் சம்பந்தமான கையேடு ஒன்றை வெளியிட்டோம். இதுதவிர, எங்க அறக்கட்டளையின் வழியாக இலவச முகாம்கள் நடத்துறோம். நிறைய விழிப்புணர்வு வரணும்னு இப்படியான முகாம்களை முன்னெடுக்கிறோம்.

இப்படி கண்ணுக்குத் தெரியாமல் வருவதை ஆங்கிலத்தில் occult blood in stoolனு சொல்வோம். இதுக்கு தனியாக ஒரு பரிசோதனை இருக்கு. இதைப் பண்ணிப் பார்த்து, அதில் பாசிட்டிவ்னு வந்தால் நிச்சயம் கொலோனோஸ்கோப்பி செய்து பார்க்கணும்.  சமீபத்தில் என்னிடம் ஒரு நோயாளி வந்தார். அவரின் மகனுக்கு 45 வயது. சிங்கப்பூரில் இருக்கார். 

அவர் வழக்கம்போல் உடல் பரிசோதனைக்குச் சென்றிருக்கார். அங்கே occult blood டெஸ்ட்டில் பாசிட்டிவ்னு வந்திருக்கு. கொலோனோஸ்கோப்பி பண்ணிப் பார்த்தால் பெருங்குடல் புற்றுநோய் இருந்தது. அதனால, வரும்முன் தடுக்கும் உடற்பரிசோதனையில் occult blood டெஸ்ட்டை கட்டாயமாக்கணும். இதன்வழியாக பெருங்குடல் புற்றுநோயைத் தடுக்கலாம்.