2017ம் ஆண்டு தகவல் தொழில்நுட்பத் துறையின் மொத்த உள்நாட்டு உற்பத்தி (ஜிடிபி) பங்களிப்பு எட்டு சதவீதம். சுமார் நாற்பது லட்சம் பேருக்கு நேரடியாகவும் ஒரு கோடிப் பேருக்குமேல் மறைமுகமாகவும் படியளந்துகொண்டிருக்கும் மாபெரும் தொழில்துறை இது.

இப்படி நாளொரு டெக்னாலஜியும் பொழுதொரு முன்னேற்றமுமாகச் சென்று கொண்டிருந்த இந்தத் துறையின் அசுர வளர்ச்சிக்கு சடன் பிரேக் போட்டிருக்கிறது கொரோனா.கொரோனா கெடுக்காத துறை இல்லை என்பதற்கு இணங்க ஐடி உலகமும் இந்த போஸ்ட் பேண்டமிக் சூழலில் தடுமாறிக் கொண்டிருக்கிறது.

உலக அளவில் ஒட்டுமொத்த ஜிடிபி இந்த ஆண்டு மூன்று சதவீதம் வரை சரிவடையும் என்று உலக நிதியமைப்பு தெரிவிக்கிறது. இது, 1930களின் பொருளாதாரப் பேரழுத்தம் மற்றும் 2008ம் ஆண்டின் பொருளாதாரச் சரிவுக்கு இணையான பாதிப்பு என அஞ்சப்படுகிறது.

எனவே, அந்த நிறுவனம் நமது இந்திய நிறுவனங்களோடு வணிகத் தொடர்பு கொண்டிருக்கும். இதனை, ஆங்கிலத்தில் Cognitive Proximity என்பார்கள். அறிவுணர்வு அன்யோன்யம் என்று இதனை தோராயமாக மொழி பெயர்க்கலாம்.

இந்த காக்னிட்டிவ் ப்ராக்சிமிட்டிதான் நமது இந்திய ஐடி தொழில்களின் பெரும் பலம். தாங்கள் சேவை செய்யும் அந்நிய நிறுவனத்தின் தேவை என்ன என்பதை விரைந்து கிரகித்து அதை நிறைவேற்றித் தரும் நிபுணர்கள் இங்கு அதிகம். அவசியம் எனில், ஆன்சைட் வொர்க் என அங்கேயே நிறுவனத்துக்கு நேரடியாகச் சென்றும் செய்து தருவார்கள்.

மும்பை, பெங்களூர், சென்னை, குருகிராம் என்று இந்தியாவில் இப்படியான ஐடி பணி செய்து கொடுப்பதற்கென தனித் தனி ஐடி க்ளஸ்டர் ஹப்களே உள்ளன. இங்குள்ள பல நூறு நிறுவனங்களில் இந்தப் பணிகள்தான் ஜரூராக நடந்து கொண்டிருக்கின்றன.

இப்படியான ஐடி சேவையில் இரண்டு வகை இருக்கிறது. ஒன்று பிபிஓ எனப்படும் பிசினஸ் ப்ராசஸ் அவுட்சோர்சிங். இதன் உதாரணம்தான் மேலே நாம் பார்த்த ஒரு மருத்துவ சேவை நிறுவனத்துக்கான ஐடி உட்கட்டுமானத்தைப் பகிர்வது.

இன்னொரு வகை ஐடி வேலை நாலெட்ஜ் ப்ராசஸ் அவுட்சோர்சிங் எனப்படும் கேபிஓ ஐடி துறை என்பதே மூளை உழைப்போடு தொடர்புடையது. அறிவு எப்போது ஒரு வணிகப் பொருள் ஆனதோ அப்போதே அது கால, தேச, வர்த்தமானங்களையும் கடந்து செயல்படத் தொடங்கிவிட்டது.