‘‘பக்கத்து வீட்டில் ஒரு நண்பரிடம் கேமரா இருந்தது. போட்டோகிராஃபி மேல் ஆர்வம் வந்து என்ன செய்றதுன்னு தெரியாமல் அலைஞ்சுக்கிட்டு இருந்த காலத்தில் எனக்குக் கிடைச்ச புதையல் அது. இன்னிக்கு என் தோள் மேல் ஏறி நிக்கிற அத்தனை நுட்பங்களுக்கும் வண்ணங்களுக்கும் முதல் துளி வெளிச்சம் கொடுத்தது அந்த நிக்கான் கேமராதான்.

‘நீ போட்டோகிராஃபராக இருந்தாலும் தொழில் தெரிஞ்சவங்க உன்னைத் தேடணும். ஆத்மாவையும், மனசையும் ஒழுங்கு பண்ணி ஒரு விஷயத்தில் போட்டாதான் முழுமை வரும். அப்படி போட்டோகிராஃபில இறங்கு. எதில் இருந்தாலும் அதில் பெஸ்ட்டாக இருக்கணும்’ என்று சொன்ன அப்பா காமராஜுலு, பத்திரிகையில் நியூஸ் எடிட்டராக இருந்தார்.

மிஷ்கின் சாரோட ‘பிசாசு’ படத்தில் வேலை பார்த்ததெல்லாம் சிறப்பான அனுபவம். அந்த மாதிரி அமைகிற படத்தில் வேலை செய்யும்போது நம்மகிட்டேயிருந்து நல்ல விஷயங்கள், தானாக வெளிவரும். அதே மாதிரி இப்போ இயக்குநர் வஸந்தின் ‘சிவரஞ்சனியும், இன்னும் சில பெண்களும்’ ரொம்பவும் கவனம் செலுத்தி செய்த படம்.

இயக்குநர் கணேஷ்பாபு இயக்குதலில் ‘கட்டில்’னு ஒரு படம் செய்திருக்கிறேன்.