தான், பிறப்பதற்கு முன்பாக சிவனடியார் வந்து தீர்க்கதரிசனமாக தன் பிறப்பு குறித்தும், எதிர்காலச் சிறப்பு குறித்தும் தன் தாயிடம் சொன்னார் என்று வள்ளலார் எங்கேயும் பதிவு செய்யவில்லை.ஆனால் -பழைய மருதூர்க்காரர்கள் பின்னாளில் சொன்ன தகவல்கள் இவை.

இராமையாப் பிள்ளை, தன் குடும்பத்தில் எந்த சுபகாரியம் நடைபெற்றாலும் தில்லைக்குச் சென்று இறைவனை தரிசிப்பது வழக்கம்.புதியதாக பிறந்த தன்னுடைய மகனை தூக்கிக் கொண்டு, குடும்பத்தோடு தில்லைக்குச் சென்றார்.

இறைவனை வணங்கிவிட்டு சிதம்பர ரகசியம் காணச் சென்றார்கள்.பசிக்காக ஐந்துமாதக் குழந்தை அழுதுகொண்டிருந்தது.எனினும் -ரகசியத்தைக் கண்டுவிட்டு பால் கொடுக்கலாமே, என்று தோளில் தட்டி குழந்தையை சமாதானப்படுத்திக் கொண்டிருந்தார்கள்.

தெய்வாம்சம் பொருந்திய குழந்தையான இராமலிங்கம், தன்னைவிடவும் புராணப் பிரசங்கங்களில் புகழ் பெற்று வளருவான் என்று அவரது அண்ணன் எதிர்பார்த்தது இயல்புதான்.தாயிடம் சொன்னார்.அவர் வாழ்த்தி அனுப்ப, ஐந்து வயது இராமலிங்கம் பள்ளிக்குச் சென்றார்.

எழுத்தையும், எண்ணையும் கசடறக் கற்றார்.ஆனால் -பள்ளிப் பாடங்கள் அவருக்குக் கசந்தன. இத்தனைக்கும் புத்திசாலிக் குழந்தைதான்.பாடம் மட்டும் ஏன் வேப்பங்காய்?மகாவித்துவானான சபாபதி முதலியார் மனவருத்தம் கொண்டார்.இராமலிங்கத்தின் அண்ணன் சபாபதியை அழைத்தார்.

ஆனால் -அதற்காக குழந்தை இராமலிங்கத்தைக் கொடுமைப்படுத்தலாமா?அண்ணன் திட்டியவுடனேயே, ரோஷத்தோடு வீட்டை விட்டு வெளியேறினார் இராமலிங்கம்.கோயில் மண்டபத்தில் அமர்ந்திருந்தவரை, அண்ணி வந்து பார்த்து வீட்டுக்கு அழைத்தார்.