‘‘மனிதர்களோட கற்பனையெல்லாம் மீறி இந்த லாக் டவுன் உருவாகியிருக்கு. பணம், அறிவு, பெரியவன், சின்னவன்னு யாருமில்லை என்று சொல்லிக் கொடுத்துவிட்டது.ரியாலிட்டி செக்னு சொல்லுவாங்க. இந்த சமயத்தில் மனசுக்கு உண்மையா ஒரு பேட்டி வைச்சுக்கிறது கூட நல்லது தான். எப்பவும் ஒரு கலைஞனை அவனோட வயசு, அனுபவம், பக்குவம்னு எதாவது ஒண்ணு அடுத்தடுத்து எடுத்துட்டு போய்க்கிட்டேயிருக்கு.

உங்களை நினைச்சாலே ‘ஹேராம்’ ஞாபகம் வந்திடுது...எனக்கு அதில் பெரும் அனுபவம் கிடைச்சது. ‘ஹேராம்’ முடிச்சு 21 வருஷங்கள் முடிஞ்சிருச்சு. என் குரு பி.சி.ஸ்ரீராம் நேத்து காலையில் ஃபோன் பண்ணியிருந்தார். எடுத்தா ‘ஏப்பா, ‘ஹேராம்’ல இப்படி பிரமாதமா ஒர்க் பண்ணி வச்சிருக்க. 20 வருஷங்களுக்கு முன்னாடி எப்படி இப்படிச் செய்யத் தோணுச்சு... எப்படி உன்கிட்ட இருந்து இந்த அழகு வெளிப்பட்டது’னு பேசிக்கிட்டே இருந்தார்.