சென்ற வாரம் உலகையே கலங்கடித்த வாக்கியம் இதுதான்: ‘‘யாராவது என்னைக் கொன்றுவிடுங்கள்...’’ ஒன்பது வயது குவாடன், ஆஸ்திரேலியாவின் குயின்ஸ்லேண்டில் உள்ள பள்ளியில் படித்து வருகிறார்.

எலும்பு வளர்ச்சிக் குறைவு (Achondroplasia) நோயால் பாதிக்கப்பட்டு, குள்ளமாகவும், தலை பெரிதாகவும் காணப்படும் குவாடன், தன்னுடன் படிக்கும் மற்ற மாணவர்களின் கேலிக்கும் கிண்டலுக்கும் ஆளாகியிருக்கிறார்.

ஒரு நாள் தன் தாயிடம், “கயிறோ, கத்தியோ என்னிடம் கொடுங்கள். நான் சாக விரும்பு கிறேன். யாராவது என்னைக் கொன்றுவிடுங்கள். கத்தியைக் கொண்டு எனது இதயத்தில் குத்திக்கொள்ளப் போகிறேன்...” எனக் கதறியிருக்கிறார்.

இதை அப்படியே வீடியோவாக எடுத்து சமூகவலைத்தளங்களில் பதிவிட்டார் குவாடனின் தாய் யாரகா பேலஸ்: ‘‘உங்கள் கேலியும் கிண்டலும் இதைத்தான் செய்கிறது. நன்றாகப் பாருங்கள்... தற்கொலை எண்ணத்தில் ஒரு குழந்தையை வைத்துக்கொண்டு ஒவ்வொரு நொடியையும் பயத்தில் கழிக்கிறேன்.