ஜாக்பாட்

அள்ள அள்ளக் குறையாத அட்சயபாத்திரத்தை தேடியலையும் ஜோதிகா அண்ட் கோவின் வீரதீர சாகசமே ‘ஜாக்பாட்’.‘குலேபகாவலி’யின் ஃபார்முலாவை மறுபடியும் எடுத்து நம்பி களமிறங்கியிருக்கிறார் இயக்குநர் கல்யாண். அதேதான்... அப்படியே ‘குலேபகாவலி’யை அங்கே இங்கே மாற்றிப்போட்டு அதை இந்தத் தடவை ஜோதிகா முன்மொழிய வழிமொழிந்து இருக்கிறார் இயக்குநர்.

பலரின் கை மாறி வரும் அட்சய பாத்திரம் பால்காரரிடம் வந்து சேர... அவர் ஓவர் நைட்டில் பணக்காரராகி விடுகிறார். அதைப் பார்க்கிறவர்கள் அதை திருடிக்கொண்டு தப்பிக்க முயல, பாத்திரம் ஆற்றில் விழுகிறது. அது இட்லிக்கடை நடத்தும் சச்சு கையில் கிடைக்கிறது. போலீஸில் சிக்கும் சச்சு அதை ஆனந்த்ராஜ் வீட்டில் புதைத்துவிட்டு போகிறார்.