சேப்பாக்கத்தில் 1934ம் வருடம் பிப்ரவரி 10ம் தேதி முதலாலது டெஸ்ட் போட்டி இந்தியாவிற்கும், இங்கிலாந்திற்கும் இடையில் நடந்தது. இந்தியாவின் கேப்டனாக கிரிக்கெட் ஜாம்பவான் சி.கே.நாயுடு இருந்தார்.

இங்கிலாந்து முதல் இன்னிங்ஸில் 335 ரன்கள் குவிக்க, இந்தியா வெறும் 145 ரன்களுக்கு ஆல் அவுட் ஆனது. பின்னர், இங்கிலாந்து இரண்டாவது இன்னிங்ஸில் 261 ரன்கள் எடுத்தது. இந்தியா 249 ரன்கள் அடித்து, 202 ரன்கள் வித்தியாசத்தில் தோல்வியைத் தழுவியது.

ஆரம்ப நாட்களில் லீக் போட்டிகளில் எம்சிசி கலந்து கொள்ளவில்லை. 1939ம் வருடமே லீக் போட்டிகளை அணியின் கேப்டன் சி.பி.ஜான்ஸ்டோன் தலைமையில் எதிர்கொண்டது. ஆல்ரவுண்டரான சி.பி.ஜான்ஸ்டோன் சிறந்த கேப்டனாக விளங்கினார்.எம்சிசி அணிக்கும், ரஞ்சி டிராபிக்கான மெட்ராஸ் அணிக்கும் இவரே கேப்டன்.

மட்டுமல்ல, எம்சிசிக்கும் மெட்ராஸ் கிரிக்கெட் அசோசியேஷனுக்கும் தலைவராகப் பதவி வகித்தார்.இதற்கிடையே 1934ம் வருடம் நவம்பர் 4ம் தேதி முதல்முதலாக இந்தியாவில் ரஞ்சிப் போட்டிகள் தொடங்கின. இதன் முதல் போட்டியும் சேப்பாக்கத்திலே மெட்ராஸுக்கும் மைசூருக்கும் இடையே நடந்தது.

இதேபோல், 1959ம் வருடம் எம்சிசியின் முதல் இந்தியத் தலைவராக ஏ.எம்.எம்.அருணாசலம் தேர்ந்தெடுக்கப்பட்டார்.‘‘கிளப்பின் தலைவராகத் தேர்ந்தெடுக்கபட்ட அருணாசலத்தின் முதல் வேலையே, மெட்ராஸ் கிரிக்கெட் அசோசியேஷன் சேப்பாக்கத்தில் உள்ள எம்சிசி கிளப்பின் மைதானத்தை வாடகைக்கு விடும்படி அரசாங்கத்துக்கு விடுத்த கோரிக்கையை சமாளிக்க வேண்டியிருந்தது.

பெவிலியனைச் சுற்றியிருந்த நிலம் மெட்ராஸ் கிரிக்கெட் கிளப்பிற்கு என்றும், எஞ்சிய நிலம் மெட்ராஸ் கிரிக்கெட் அசோசியேஷனுக்கு ஸ்டேடியம் கட்ட வாடகைக்கு அளிக்கப்படும் என்றும் பிரச்னை சுமுகமாக முடிக்கப்பட்டது’’ என, ‘சென்னை மறுகண்டுபிடிப்பு’ நூலில் குறிப்பிடுகிறார் எஸ்.முத்தையா.

ஆக, எம்.ஏ.சிதம்பரமும், ஏ.எம்.எம்.அருணாசலமும் இதற்கான ஒரு தீர்வை எட்டினர். இதன்பிறகே, 1966ம் வருடம் மெட்ராஸ் கிரிக்கெட் அசோசியேஷன் சேப்பாக்கத்திற்குத் திரும்பியது.ஸ்டேடியத்திற்கான அடிக்கல் 1971ம் வருடம் நடப்பட்டது.

கொஞ்சம் கொஞ்சமாக கேலரிகள் கட்டி முடிக்க பத்தாண்டு காலம் பிடித்தது.இதில், ஹென்றி இர்வினால் கட்டப்பட்ட அழகான பெவிலியனும் இடிக்கப்பட்டது. ஸ்டேடியத்திற்கு முன்முயற்சி எடுத்தவரும், பி.சி.சி.ஐயின் தலைவராகவும் இருந்த எம்.ஏ.சிதம்பரத்தின் பெயரே ஸ்டேடியத்திற்கு சூட்டப்பட்டது.

கடைசியாக, சேப்பாக்கத்தில் 2016ல் இங்கிலாந்துடன் நடந்த டெஸ்ட்டில் கருண் நாயர் 303 ரன்கள் குவித்து அவுட்டாகாமல் இருந்தார். சேவாக்கிற்குப் பிறகு முந்நூறுக்கும் மேல் ரன் குவித்த இரண்டாவது இந்திய வீரரானார் கருண். இப்படி சேப்பாக்க ஸ்டேடியத்திற்கென பல சாதனைகள் உள்ளன.

தொடர்ந்து உச்சநீதிமன்றத்தில் மேல்முறையீடு செய்யப்பட, அங்கே மூன்று கேலரிகளையும் இடிக்குமாறு உத்தரவிட்டதாகச் செய்திகள் வந்தன.ஆனால், பிரச்னை தொடர்ந்ததால் அந்த கேலரிகள் செயல்படுத்தப்படாமல் அப்படியே காட்சிப் பொருளாகவே  வைக்கப்பட்டன.