மைனஸ் 30 டிகிரி செல்ஷியல் குளிரில் விவசாயம்!

‘‘உலகின் மற்ற இடங்களை விட ஆர்க்டிக் பகுதி வேகமாக வெப்பமடைந்து வருகிறது...’’ என்கின்றனர் விஞ்ஞானிகள். அங்கே நான்கு மாதங்கள் வரை நீடிக்கும் குளிர்காலத்தில் வெப்பநிலை மைனஸ் 30 டிகிரி செல்ஷியல் வரை செல்லும். குளிர்காலம் முடியும் வரைக்கும் வெளிச்சமே இருக்காது. மூன்று மாதங்கள் நீட்டிக்கும் கோடைகாலத்தில் 24 மணி நேரமும் வெளிச்சம் இருக்கும். இந்த மாதிரியான உறைபனி சூழ்ந்த இடத்தில் விவசாயம் செய்ய முடியுமா?

‘‘முடியும்...’’ என்று கட்டை விரலை உயர்த்திக்காட்டுகிறார் பென் விட்மர். வட துருவத்திலிருந்து 800 மைல் தொலைவிலிருக்கும் ஸ்வால்பார்ட் தீவில் இவர் வசிக்கிறார். உலகிலேயே சுவாசத்தின் மூலம் அதிகளவில் கார்பன் டை ஆக்ஸைடு வெளியாவது இங்கேதான். இந்தத் தீவில் வாழும் மக்களுக்கான உணவுப் பொருட்கள் கப்பல், விமானம் மூலமாகவே கொண்டு வரப்படுகிறது.