அரியானாவின் சோனாபட் மாவட்டத்தைச் சேர்ந்தவர் அனு குமாரி. 31 வயது இளம் தாய். நான்கு வயது மகனை வைத்துக்கொண்டு இந்திய ஆட்சிப் பணித் தேர்வில் (ஐ.ஏ.எஸ் எக்ஸாம்) தேசிய அளவில் இரண்டாம் இடம் பெற்றுள்ளார்! தில்லி இந்துக் கல்லூரியில் இயற்பியலில் இளங்கலைப் பட்டம் பெற்ற அனு, நாக்பூரில் உள்ள ஐ.எம்.டி (IMT)யில் எம்பிஏ படித்தார்.

படிப்பு முடிந்த கையோடு ஒரு தனியார் காப்பீட்டு நிறுவனத்தில் பணியில் அமர்ந்தார். அந்த வேலையை அனு மிகத் திறம்படச் செய்துகொண்டிருந்தார். ஆனால் ஏனோ அதில் திருப்தி இல்லை.