பணக்காரர்களுக்குப் பிரச்சனையே கிடையாது; படித்தவர்களுக்கு நோயே வராது; உயர்ந்த பதவியில் இருப்பவர்களுக்குக் கவலையே இல்லை - என்று பெரும்பாலும் நாம் நினைத்துக் கொண்டிருக்கிறோம். ஆனால், அதில் கடுகளவு கூட உண்மையில்லை. பிரச்னைகளும் நோயும் கவலையும் யாரையும் விட்டு வைக்காது.

உடலால் மட்டுமல்ல; உள்ளத்தாலும் மிக மிக உயர்ந்தவர்களையும் அவையெல்லாம் ஆட்டிப் படைத்திருக்கின்றன. கர்நாடக சங்கீத மும்மூர்த்திகளில் ஒருவரான ஸ்ரீமுத்துஸ்வாமி தீட்சிதரின் வாழ்க்கையில் நடந்த சில சுவாரசியமான நிகழ்வுகளைப் பார்க்கலாம். (இனி அவரை ‘தீட்சிதர்’ என்றே பார்க்கலாம்).

‘‘நம் எல்லோருக்கும் உணவளித்துக் காப்பாற்றுபவர் கடவுளல்லவா? நான் உண்மையான பக்தனாக இருந்தால், திருவாரூர் தியாகேசர் என்னைக் கைவிட மாட்டார். எனக்குத் தேவையானபோது, அவர் கண்டிப்பாக உதவி செய்வார்.

ஆகையால், உன் நகைகளை அடகு வைக்காதே! என் சங்கீதத்தைச் சீடர்களுக்கு விற்று, பிழைப்பை நடத்துகிறேன் நான் என, அடுத்தவர்கள் பேசும்படியாகச் செய்து விடாதே!’’ என்று சொன்ன தீட்சிதர், தன் வழக்கப்படித் தரிசனம் செய்யக் கோவிலுக்குச் சென்று விட்டார்.