உங்களைப் போன்ற பல பெற்றோர்களுக்கும் ஏற்படுகின்ற நியாயமான சந்தேகம் இது. நான்காம் பாவகம் என்று சொல்லப்படக்கூடிய வித்யா ஸ்தானத்தின் வலிமையை வைத்து அதாவது அந்த இடத்தில் அமர்ந்துள்ள கிரகங்களின் தன்மையையும். காரகத்துவத்தையும் அல்லது அந்த ஸ்தானாதிபதியின் வலுவையும் வைத்து இவன் இந்த துறையில் நல்லறிவினைப் பெறுவான் என்று சொல்ல முடியும்.

உதாரணத்திற்கு மருத்துவம் சம்பந்தப்பட்ட படிப்பு, இன்ஜினியரிங் படிப்பு, இலக்கியத்துறை என்று வரையறுக்க முடியும். இந்தக் கல்விதான் இவனுக்கு வரும், இது வராது என்று வரையறுக்க முடியும். ஜாதகத்தில் உள்ள வித்யாஸ்தானம் இதனைத் தீர்மானிக்கிறது. எல்லோருக்கும் எல்லாத்துறை கல்வியும் வந்துவிடாது.