அறுவைசிகிச்சையிலிருந்து விரைவில் மீள...
மூத்தவர்களுக்கு அறுவைசிகிச்சை என்பது ஒரு சாதாரண மருத்துவ செயல்முறை மட்டுமல்ல, அது தினசரி வாழ்க்கையையே பாதிக்கும் ஒரு பெரிய மாற்றம். மூட்டு மாற்று அறுவைசிகிச்சையோ, எலும்பு முறிவு சரி செய்தலோ, இதயச் சிகிச்சையோ, வயிற்று அறுவையோ எதுவாக இருந்தாலும், மீளும் பயணம் பலருக்கும் சிரமமாக இருக்கும். ஆனால் நான் என் மருத்துவ அனுபவத்தில் தெளிவாக பார்த்த ஒரு உண்மை என்னவென்றால்: எவ்வளவு சீக்கிரம் ரீஹாப் (புனர்வாழ்வு) தொடங்குகிறார்களோ, அவ்வளவு வேகமாகவும் நம்பிக்கையுடனும் மூத்தவர்கள் மீண்டு வருகிறார்கள். Early rehab என்பது ஒரு “ஆப்ஷன்” இல்லை - அது குணமடைவதற்கான மிக முக்கியமான படி.
ஏன் மூத்தவர்களுக்கு ரீஹாப் இன்னும் முக்கியம்?
வயதானபோது உடலில் இயற்கையாக சில மாற்றங்கள் நடக்கும்
* காயம் ஆறுவதற்கு அதிக நேரம் ஆகுதல்
* தசைகள் குறைதல்
* மூட்டுகளில் உறைபாடு
* சமநிலை குறைதல்
* தொற்று, இரத்த உறைவு போன்ற சிக்கல்களுக்கு அதிக வாய்ப்பு
அறுவை சிகிச்சைக்குப் பிறகு இவை எல்லாம் சேர்ந்து, பலவீனம், நகர பயம், சுயநிலையிழப்பு போன்ற பிரச்சனைகளை உருவாக்கலாம். இங்குதான் ரீஹாப் உதவுகிறது. மேலும் சிக்கல்கள் வராமல் தடுக்கவும், நம்பிக்கையை மீண்டும் உருவாக்கவும்.
Early Rehab என்றால் என்ன?
அறுவைசிகிச்சைக்கு அடுத்த நொடியே கடினமான உடற்பயிற்சி செய்வது அல்ல.
அதற்கு பதிலாக
* பயிற்சி நிபுணரின் கண்காணிப்பில் மெதுவான இயக்கங்கள்
* மூச்சுப் பயிற்சி
* படுக்கையில் உடல் நிலை மாற்றங்கள்
* பாதுகாப்பாக உட்கார்வு, நிற்குதல், நடப்பது
* வலி கட்டுப்பாட்டுத் திட்டம்
* மெதுவான செயல்திறன் பயிற்சிகள்
இதன் முக்கிய இலக்கு - உடல் பலம் குறைவதற்கு முன்பே பாதுகாப்பாக இயக்கம் தொடங்குவது.
சீக்கிர ரீஹாப் தரும் முக்கிய நன்மைகள்
* உடல் இயக்கம் பாதுகாப்பாக தொடரும். இது மூட்டுகளை நெகிழ்வாக வைத்துக் கொண்டு, தசைச் சிதைவைக் குறைக்கிறது. அதனால் மூத்தவர்கள் தினசரி
செயல்களுக்கு விரைவில் திரும்ப முடியும்.
* அறுவைசிகிச்சைக்கு பின்வரும் சிக்கல்கள் குறையும்
நீண்ட நேரம் படுக்கையிலேயே இருப்பது மிகவும் ஆபத்தானது
* நிமோனியா
* படுக்கைப் புண்கள்
* மலச்சிக்கல்
* இரத்த உறைவு
* சிறுநீரகத் தொற்று
போன்ற பிரச்னைகளை ஏற்படுத்தும்.
சிறிய அளவிலான நகர்வுகள் கூட இரத்த ஓட்டம், நுரையீரல் செயல்பாடு, ஜீரணத்தை மேம்படுத்தி இந்த ஆபத்துகளை குறைக்கிறது.
* காயம் விரைவில் ஆற உதவும் மெதுவான இயக்கம் திசுக்களுக்கு ஆக்சிஜன் வழங்கலை அதிகரிக்கிறது. இது:
* காயம் விரைவாக ஆற
* அழற்சி குறைய
* மருந்துகளுக்கு உடல் நல்ல பதில் அளிக்க உதவுகிறது.
*சமநிலையை திரும்பபெற & விழிவீழ்ச்சி தடுக்க சிகிச்சைக்குப் பின் மூத்தவர்களின் சமநிலை குறைந்திருக்கும்.
ரீஹாப் மூலம்:
* சமநிலை பயிற்சி
* ஒருங்கிணைப்பு பயிற்சி
* நடைக்கட்டுப்பாடு
* உதவி சாதனங்களுடன் பாதுகாப்பான நடப்பு போன்ற பயிற்சிகள் விழிவீழ்வைத் தடுக்க உதவுகின்றன.
* தினசரி சுயநிறைவை மீட்க உதவும் குளியல், உடை அணிதல், படிகளில் ஏறுதல், வீட்டினுள் நகர்தல் இவை எல்லாவற்றையும் பாதுகாப்பாக மீண்டும் செய்ய ரீஹாப் உதவுகிறது.
* மனநிலை மற்றும் உணர்ச்சி நலத்தை மேம்படுத்தும்
சிகிச்சைக்கு பிறகு பயம், பதட்டம், மனச்சோர்வு போன்றவை பொதுவானவை.
ரீஹாப்:
* நம்பிக்கை தருகிறது
* நகர்வின் பயத்தை குறைக்கிறது
* கட்டுப்பாடு மீண்டும் ஏற்படுத்துகிறது
*அன்றாட ஒழுங்கை வழங்குகிறது
* சமூக தொடர்பை அதிகரிக்கிறது ஒரு சாதாரண Early Rehab திட்டத்தில் என்ன இருக்கும்?
* மூச்சுப் பயிற்சிகள்
* மெதுவான நீட்டிப்பு & கை-கால் இயக்கங்கள்
* லேசான தசை வலுப்படுத்தும் பயிற்சிகள்
* சமநிலை & ஒருங்கிணைப்பு பயிற்சிகள்
* வலி, வீக்கம் கட்டுப்பாடு
*பாதுகாப்பான இயக்க முறைகள்
ஒவ்வொரு பயிற்சியும் மருத்துவ ரீதியாக பாதுகாப்பானதாகவும் மேற்பார்வையுடனும் இருக்கும்.
ஏன் பிரத்யேக ரீஹாப் அல்லது Assisted Care மையங்கள் மூத்தவர்களுக்கு சிறந்தது?
இத்தகைய மையங்களில்:
* 24/7 மருத்துவ கண்காணிப்பு
* அறுவைசிகிச்சை வகைக்கு ஏற்ப தனிப்பட்ட பயிற்சி
* மருந்து, உணவு, உயிரணு கண்காணிப்பு ஒட்டுமொத்தமாக நடக்கும்
* பாதுகாப்பற்ற இயக்கங்களைத் தடுக்க நிபுணர்கள்
* கட்டுப்பாடான சூழல் மூலம் அதிக ஊக்கம்
இவை அனைத்தும் விரைவான, நம்பிக்கையூட்டும் மீளுதலுக்கு வழிவகுக்கின்றன.
ரீஹேப்லியேஷன் மருத்துவர் தீபக் பிரசாத்
|