மனம், உணர்வுகளால் ஆன அற்புதப் பெட்டகம்.  அன்றாடம் நிகழும் எண்ணற்ற நிகழ்வுகள் நம் மனதைப் பாதித்தபடியே உள்ளன. நிகழ்வுகளுக்கு ஏற்ப நம் மனம் சலனம் அடைந்துகொண்டே இருக்கிறது. 

ஆனந்தத்தில் கொண்டாடித் திளைப்பதும், துன்பத்தில் உழன்று, மறுகுவதும் நம் சுபாவம்.  இப்படி, சம்பவங்களுக்கு ஏற்ப எதிர்வினை செய்யும் வரை நம் மனநிலையில் எந்த சிக்கலும் இல்லை. ஆனால், சிலர் எந்தக் காரணமும் இல்லாமல் திடீரென மிகவும் சோர்வாக இருப்பார்கள். வேறு சிலரோ அதீத உற்சாகமாக இருப்பார்கள்.

இப்படி இயல்பற்ற தூண்டுதலால் மனநிலையில் ஏற்படும் மாறுதல்களை மனநிலை மாற்றங்கள் என்கிறோம். பொதுவாக, மனநிலை மாற்றங்கள் பெரும்பாலானோருக்கு ஏற்படுபவைதான். 

இவை இயல்பானவை. தற்காலிகமானவை. ஆனால், இந்த பாதிப்பு மாதக்கணக்கில் தொடரும்போது அது ஒரு குறைபாடாகிறது. இதை நாம் மனநிலை பாதிப்பு (மூட் டிஸ்ஆர்டர்) என்கிறோம். மூட் டிஸ்ஆர்டர் பிரச்னை இருப்பவர்களால் அன்றாட வேலைகளைச் சரிவர செய்ய இயலாமல் போவதால், அவர்கள் மேலும் மேலும் மனதால் பாதிக்கப்படுகிறார்கள்.

மேஜர் டிப்ரஸிவ் டிஸ்ஆர்டர்:  இதை, கிளினிக்கல் டிப்ரஷன் என்றும் சொல்வார்கள். மூட் டிஸ்ஆர்டர்களில் இதுதான் பெரும்பாலானவர்களுக்கு ஏற்படும் முக்கியமான பிரச்னை. அதீத மனச்சோர்வு இது. இந்த குறைபாடு உள்ளவர்கள் எதிலும் விருப்பமின்மை, வெறுப்பு, தன்னம்பிக்கை குறைவாக இருத்தல், தாழ்வுமனப்பான்மை, தன்னால் ஏதும் ஆகாது என்ற எதிர்மறை எண்ணங்கள் போன்றவற்றால் பாதிக்கப்பட்டிருப்பார்கள். 

கடுமையான எதிர்மறை எண்ணங்கள் தாழ்வுமனப்பான்மை இருப்பதால் தற்கொலை குறித்த எண்ணங்கள் அடிக்கடி இவர்களுக்கு ஏற்படும்.  சிலர் ஓரிரண்டு நாட்களிலேயே மேனியா எனப்படும் அதீத உணர்வு நிலையால் பாதிக்கப்பட்டு மிகவும் கடுமையானவர்களாக, மற்றவர்களை அடிப்பது, தாக்குவது என முரட்டுத்தனமாக நடந்துகொள்வார்கள். இதுவும் டிப்ரசனின் ஒரு நிலைதான் இவர்களுக்கு உடனடியாக சிகிச்சை அளிப்பது அவசியம்.

இந்த பாதிப்பு உடையவர்கள் எப்போதும் துயரமான மனநிலையோடே இருப்பார்கள். மிகவும் சூன்யமான மனநிலையில் தீவிரமாக இருப்பதால் இவர்களுக்கு தற்கொலை எண்ணங்கள் அதிகமாக இருக்கும். 

சந்தோஷப்பட வேண்டிய விஷயங்களைக்கூட மிகவும் துயரமான ஒன்றாகவே பார்ப்பார்கள். வாழ்வையே வெறுத்து விடுவார்கள். இதனால், சாப்பிடுவதில் ஆர்வம் இருக்காது. எடை இழப்பு இருக்கும். பொதுவாக, காலை வேளையில் இவர்களுக்கு மனச்சோர்வு அதிகமாக இருக்கும். இவர்களுக்கு உடனடியாக சிகிச்சை அளிப்பது மிகவும் அவசியம்.

சிலர் இயல்பாகவே எப்போதும் மனச்சோர்வுடன், எதிர்மறையான அணுகுமுறையுடன், தாழ்வுமனப்பான்மையுடன் இருப்பார்கள்.  இப்படி டிப்ரசன் என்பது இயல்பான குணமாக இருப்பதை டிப்ரசிவ் பெர்சனால்டி டிஸ்ஆர்டர் என்பார்கள். 

இவர்களுக்கு சிகிச்சைகள் பெரிய அளவில் பயன்படாது என்றாலும், இந்த பிரச்னை முற்றி கேட்டடோனிக் டிஸ்ஆர்டராக மாறும் நிலை நோக்கி செல்லும் அபாயம் உண்டு என்பதால், இவர்களுக்கு அடிக்கடி மருத்துவ ஆலோசனை மற்றும் மற்றும் மருந்துகள் தர வேண்டியது இருக்கும்.

இதனால், மற்றவர்களை மதிக்காமலும், விசயங்களை குறைத்து மதிப்பிட்டும் பாதிப்பு அடைவார்கள். அதே சமயம், டிப்ரசன் எபிசோட் ஏற்படும் போது, தன்னால் எதுவுமே முடியாது என்ற ஆழமான அவநம்பிக்கை மற்றும் தாழ்வு மனப்பான்மையில் பிரச்னைகளை எதிர்கொள்ளவே தயங்குவார்கள். 

டிப்ரசனின் போது சரிவர உண்ணாமலும் உறங்காமலும் மேனியாவின் போது அளவுக்கு அதிகமாக உண்டு உறங்குவதாலும் இவர்களின் உடல் நலம் பாதிக்கப்படுகிறது. இவர்களுக்கு கவுன்சலிங் தருவதோடு மருந்து மாத்திரைகள் கொடுப்பதன் மூலம் இதைக் கட்டுப்பாட்டில் வைத்துக்கொள்ளலாம்.

சப்ஸ்டென்ஸ் இண்டியூஸ்டு எனப்படும் இந்த மனச்சோர்வு மனநோய் மற்றும் பிற நோய்களுக்கு கொடுக்கப்படும் மருந்துகளில் உள்ள வேதிப்பொருட்களால் ஏற்படுவது.  இந்த மருந்துகள் மூளையில் செயற்கை ரசாயன மாற்றங்களைத் தூண்டும் போது அது சிலருக்கு மனச்சோர்வை பிரச்னையை உருவாக்கும். 

ஆம்பிட்டாமைன் (Amphetamine)  பிமெத்தாம்பிட்டாமைன் (methamphetamine) போன்ற மருந்துகளை எடுத்துக்கொள்வதாலும், கோகைன் உள்ளிட்ட போதை மருந்துகளை பென்சோடையஜெபைன் (Benzodiazepine) போன்ற மருந்துகளை போதைக்காக தவறான வழிகளில் எடுத்துக்கொள்வதாலும் இந்த மனச்சோர்வு பிரச்னை ஏற்படுகிறது.