மழைக்காலம் முடிந்ததும் ஏற்படும் இலையுதிர் காலம், அதன்பிறகு வரும் முன் பனி - பின் பனி   இளவேனிற்காலம் - கோடை காலம் என பருவநிலை மாற்றங்களில்   பல வயிற்றுக் கோளாறுகள், பசியின்மை, வயிற்று உப்புசம், புளித்த ஏப்பம், மலச்சிக்கல் என மாறி மாறி வந்து விடுகின்றன. 

இவை ஏற்படாமலிருக்க ஆயுர்வேதத் தீர்வை தெரிந்துகொள்வோம்.கடுக்காய்த் தோல் உங்களுக்கு நன்கு பயன்படும். பிருந்தமாதவர் எனும் முனிவர் குறிப்பிடும் சில குறிப்புகள்  நல்ல பலனைத் தரக் கூடியவையாக  இருக்கின்றன.

கோடைகாலத்தில் வெல்லத்துடனும்  கடுக்காய்த்தோலைச் சேர்த்துச் சாப்பிடுவது  வயிற்றுக் கோளாறுகள் பலவற்றையும், ஜீரண உறுப்புகளை சார்ந்த பல  உபாதைகளையும் அணுக விடாமல்  பாதுகாக்கும். 

சாதாரணமாக  இரண்டு  கடுக்காய்களைத் தட்டி, கொட்டையை நீக்கி,  தோல் சதையுடன் கூடிய பாகத்தை எடுத்து,  அந்தந்த பருவகாலத்தில் குறிப்பிட்ட  சரக்குகளுடன் பிரதி தினம் காலையில்  ஒரு வேளை மட்டும் சாப்பிட்டால் போதுமானது.

திப்பிலியை மட்டும் லேசாய் வறுத்து  எடுத்துக் கொள்ளவும். நான்கு பொருட்களையும்  ஒன்றாக இடித்து துணியால் சலித்துக் கொள்ளவும். அரை கிராமிலிருந்து  இரண்டு கிராம்  அளவுக்குள் இந்தப் பொடியை  எடுத்து கொஞ்சம் சர்க்கரையுடன் சேர்த்து தண்ணீருடன் சாப்பிடலாம். தேனில் குழைத்துச் சாப்பிடலாம். 

வெறும் வெந்நீருடனும் கலக்கிச் சாப்பிடலாம்.நீங்கள் குறிப்பிடும் பசியின்மை, வயிற்று உப்புசம், புளித்த ஏப்பம், மலச்சிக்கல் போன்ற அஜீரண நோய்களுக்குத் தரமான மருந்து இது. வாத பித்த  கபங்கள் சமனாகும்.