இயக்குநர் சந்தானபாரதியின் மகன் சஞ்சய் பாரதி இயக்குநர் அவதாரம் எடுத்துள்ள படம் என்பதால் வழக்கத்தைவிட கூடுதல் எதிர்பார்ப்புடன் வெளிவந்துள்ள படம் இது.ராசி, நட்சத்திரம், ஜோதிடம் ஆகியவற்றில் மூழ்கி முத்தெடுத்தவர் நாயகன் ஹரீஷ் கல்யாண்.

செவ்வாய் தோஷக்காரரான இவருக்கு இதன் காரணமாகவே திருமணம் தாமதமாகிறது. சந்திக்கும் பெண்களிடமெல்லாம் ராசி, நட்சத்திரம் கேட்பதால் பலரும் தெறித்து ஓடுகின்றனர். உடன் வேலை செய்யும் பெண் இவரை உருகி உருகிக் காதலித்தாலும் ராசிப் பொருத்தம் இல்லை என்பதால் நிராகரிக்கிறார்.