பெண்களின் மிகப் பெரிய பிரச்னை முடி கொட்டுதல், பருக்கள் மற்றும் முகத்தில் முடி வளர்வது என அவர்களுக்கான சருமப் பிரச்னைகளை அடுக்கிக் கொண்டே போகலாம். எந்த வித சருமப் பிரச்னையாக இருந்தாலும் அதற்கான தீர்வுண்டு. அதற்கான சிகிச்சை முறைகள் மற்றும் தீர்வு குறித்து விவரிக்கிறார், கோவையை சேர்ந்த அழகியல் மற்றும் சரும நிபுணர் அபிராமி.

இந்த சிகிச்சை செய்த பின்னர் மூன்று வாரங்களில் முடி வளர தொடங்கும். ஆறு மாதங்களில் முழுவதுமாக முடி வளர்ந்து விடும். இயற்கையாக வளர்ந்த முடிகளுக்கும் முடி மாற்று அறுவை சிகிச்சை செய்த தலைமுடிக்கும் வித்தியாசமே தெரியாது. மூன்று வாரம் கழித்து இயல்பாக முடி வெட்டுதல், தலை கழுவுதல் என எல்லாமே சாதாரணமாக செய்யலாம்.

இதில் முடி மாற்று அறுவை சிகிச்சை செய்தால் மூளையை பாதிக்குமோ என பலரும் பயப்படுவார்கள். அது உண்மை இல்லை. முடி, தலையின் தோல், மண்டை ஓடு, மூளை என்ற வகையில் தான் தலை அமைப்பு  இருக்கும். இதில் நாம் முடி அறுவை சிகிச்சை செய்வது தோலை தாண்டி செல்லாது.

‘‘பொதுவாக தோல் சுருக்கங்கள் என்பது 30 வயதுக்கு மேல் தான் தொடங்கும். தற்போது 18 முதல் 23 வயது வரையிலானவர்களுக்கும் சரும சுருக்கம் ஏற்படுகிறது. இது ஏற்பட முக்கிய காரணம் சூரிய ஒளி.

சருமத்தில் நேரடியாகவும் அதிகமாகவும் சூரிய ஒளி படுவதால் சருமத்தில் சுருக்கம் ஏற்படும். நம்முடைய முகம் நம் மனதின் கண்ணாடி என்பதால், மன அழுத்தம் காரணமாகவும் ஏற்படும். ஆண்கள் மட்டும் தான் புகை மற்றும் மதுப் பழக்கம் கொண்டிருந்தனர். ஆனால் பெண்களும் இப்போது அந்த பழக்கத்தினை கடைபிடிப்பதால் கண்கள் ஓரம், புருவத்தை உயர்த்தி பேசும் போது, நெற்றிப் பகுதி போன்ற பகுதியில் சரும சுருக்கம் ஏற்படும்.