தேங்காய்ப்பால் புலாவ்

செய்முறை:  பாஸ்மதி அரிசியை 5 நிமிடம் ஊற விடவும். தேங்காயை துருவி  மிக்ஸி ஜாரில்  அரைத்து வடிகட்டி பால் எடுத்துக் கொள்ளவும். பின்னர், குக்கரில் எண்ணெய்விட்டு, பட்டை லவங்கம் தாளிக்கவும். அதனுடன் வெங்காயம், பச்சை மிளகாய் சேர்த்து வதக்கவும். பின்னர், இஞ்சி, பூண்டு விழுது சேர்த்து வதக்கவும். 

அதனுடன் புதினா இலைகளை சேர்த்து வதக்கவும். அடுத்து பாஸ்மதி அரிசியை களைந்து அதனுடன் சேர்த்து லேசாக வதக்கவும். பின்னர், எடுத்து வைத்துள்ள தேங்காய்ப் பாலை ஒரு கப் அரிசிக்கு ஒன்றரை கப் விதத்தில் சேர்த்து கிளறி மூடிவிட்டு.  2 விசில் விட்டு இறக்கவும்.  தேங்காய்ப் பால் புலாவ் தயார்.

பயன்கள்:  தேங்காய்ப்பாலில் நிறைய ஊட்டச்சத்துக்கள் உள்ளன.  இதில், வைட்டமின் சி, இரும்புச்சத்து,  காஃபிக், லாரிக் மற்றும் கேப்ரிக் அமிலங்கள் போன்றவை  நிறைந்துள்ளன. தேங்காய்ப்பால்  நோய் எதிர்ப்பு சக்தியை அதிகரிக்கிறது. 

செரிமானத்திற்கு உதவுகிறது. இதய ஆரோக்கியத்தை மேம்படுத்துகிறது. எடை இழப்பை ஆதரிக்கிறது. உடல் ஆரோக்கியத்தை அதிகரிக்கிறது. கூந்தலுக்கு ஆரோக்கியம் மற்றும் பளபளப்பைத் தருகிறது. பொடுகைக் குறைக்கிறது. உடலின் பாதுகாப்பை அதிகரிக்கிறது. ஆரோக்கியமான கொழுப்புகளை வழங்குகிறது.

செய்முறை:  பாஸ்மதி அரிசியை அரை வேக்காட்டில் சாதமாக வடித்து ஆற வைத்துக் கொள்ளவும். பின்னர், அகலமான வாணலியில் எண்ணெய்விட்டு காய்ந்ததும், அதில்   கிராம்பு, ஏலக்காய், இலவங்கப்பட்டை சேர்த்து வதக்கவும்.  

அதனுடன் நறுக்கிய வெங்காயம், தக்காளி, மஞ்சள்தூள், பொடியாக நறுக்கிய கேப்சிகம், உருளைக்கிழங்கு சேர்த்து வதக்கவும். அதனுடன் தனியாத்தூள், மிளகாய்தூள், கரம் மசாலா சேர்த்து வதக்கவும். அதனுடன் தேவையான உப்பு சேர்த்து, வடித்து வைத்துள்ள சாதத்தையும் சேர்த்து கிளறி இறக்கவும்.  கேப்சிகம் ஃப்ரைட் ரைஸ் தயார்.