சர்க்கரை எத்தனை சர்க்கரையோ?

உஷார் டிப்ஸ்!

உணவுப் பண்டங்களில் இனிப்பு என்பது ஓர் இயற்கையான சுவை. பொதுவாக, காய்கறிகளில் பழங்களில் இந்தச் சுவை தூக்கலாக இருப்பதை நாம் உணரலாம். தேனிலும் இனிப்புச் சுவை உண்டு. இந்த இனிப்பு என்ற சுவையை உணர்ந்த மனிதன், இதை மட்டும் தனியாக ருசிக்க வேண்டும் என்று கருதியதால் உருவான பண்டம்தான் சர்க்கரை. சர்க்கரை என்பது இனிப்பின் பருவடிவம்.

இந்த சர்க்கரை, சக்கரத்தின் மூலம் சுழற்றி, அரைத்து எடுக்கப்படும் சாறுகளின் மூலம் பெறப்படும் இனிப்பு என்பதாலேயே இதற்கு சர்க்கரை என்ற பெயர் வந்ததாகவும் கூறப்படுகிறது.
சர்க்கரைக்கு பல பெயர்கள் உள்ளன. வெள்ளைச் சர்க்கரை அஸ்கா என்று அழைக்கப்படுகிறது. இதற்கு காரணம், 170 ஆண்டுகளுக்கு முன்பு இந்தியாவின் ஓடிசா மாநிலத்தில், அஸ்கா எனும் ஊரில் கரும்பு சர்க்கரையை சுத்திகரிக்கும் ஆலை தொடங்கப்பட்டு முதன்முதலில் வெள்ளை சர்க்கரை தயாரிக்கப்பட்டதால், இது அஸ்கா என்று அழைக்கப்படுகிறது. அதற்கு முன்பு சீனாவில் இருந்து இறக்குமதி செய்யப்பட்ட வெள்ளை சர்க்கரையே அதிகளவு பயன்பாட்டில் இருந்து வந்ததால், அதற்கு சீனி என்று பெயர் வந்ததாகவும் கூறப்படுகிறது.

இன்று நவீன வேதிய கண்டுபிடிப்புகளின் விளைவாக பலவகையான சர்க்கரைகள் உணவுப்பொருள் தயாரிப்பில் பயன்படுத்தப்படுகின்றன. நாம் சர்க்கரை அதாவது Sugar என்று குறிப்பிட்டால் மட்டுமே சர்க்கரை எனக் கருதுகிறோம். சர்க்கரை நோயின் விளைவால், இதில் சர்க்கரை உள்ளது என்று குறிப்பிட்டால் விற்பனை சரியும் என்று உணவுப் பொருள் தயாரிப்பு நிறுவனங்கள் அவற்றைப் பல்வேறு பெயர்களில் குறிப்பிட்டிருப்பார்கள். அந்தப் பெயர்கள் என்னென்ன என்று இங்கு பார்ப்போம். எந்தப் பெயரில் குறித்திருந்தாலும் சர்க்கரை சர்க்கரைதான். எனவே, அவற்றை கவனமாகப் பயன்படுத்துவது நல்லது.

சில பொருட்களில் ஒன்றுக்கும் மேற்பட்ட சர்க்கரை பொருட்களின் பெயரைப் பயன்படுத்தியிருப்பார்கள். அந்த மாதிரியான உணவுகளை தவிர்ப்பதே உடலுக்கு நல்லது. அதே போல் சுகர் ஃப்ரீ எனப்படும் லீவ் லோஸில் சர்க்கரை கிடையாது என்றொரு நம்பிக்கை உள்ளது. அதுவும் தவறானது. லீவ் லோஸ் சர்க்கரையில் சர்க்கரை உடலில் கரையும் விகிதம் குறைவு. மற்றபடி அதுவும் சர்க்கரைதான். பொதுவாக, எல்லா சர்க்கரையும் ஒன்றுதான்.

அவை ரத்தத்தில் கலக்கும் விகிதத்தைப் பொருத்தே அவற்றில் வித்தியாசம் இருக்கிறது. சர்க்கரை ரத்தத்தில் கலக்கும் விகிதத்தை க்ளைசெமிக் என்ற குறியீட்டால் குறிப்பிடுவார்கள். குறைவான க்ளைசெமிக் குறியீடு உள்ள சர்க்கரை நல்லது என்ற பொருளில்தான் சந்தைப்படுத்தப்படுகிறது. க்ளைசெமிக் விகிதமே இல்லாத சர்க்கரை என்று எதுவுமே இல்லை என்பது குறிப்பிடத்தக்கது.

சர்க்கரையில் பிரதானமாக கரும்புச் சாறு கொண்டு தயாரிக்கப்படுவது சுக்ரோஸ். பூக்கள் அல்லது பழங்கள் கொண்டு தயாரிக்கப்படுவது ஃப்ரக்டோஸ். இதில் லீவ்லோஸ் என்பது பூக்கள் கொண்டு தயாரிக்கப்படும் ஒருவகை சர்க்கரை அவ்வளவுதான் வித்தியாசம். சர்க்கரையில் நல்ல சர்க்கரை கெட்ட சர்க்கரை என்றெல்லாம் எதுவும் இல்லை. சர்க்கரை என்றாலே ஆபத்துதான். இயற்கையான சர்க்கரை எல்லா இயற்கை உணவுப் பொருட்களிலும் அதன் விகிதத்தில் தன்னியல்பாக உள்ளது.

உண்மையில் நாம் அவற்றை உண்டாலே உடலுக்குத் தேவையான சர்க்கரை சேர்ந்துவிடும். அதை விடுத்து, மனிதன் தயாரிக்கும் எல்லா சர்க்கரையும் செயற்கைதான். உடலுக்கு தீமையானதுதான். இந்த விழிப்புணர்வு இன்று மிகவும் அவசியம். சர்க்கரையில் பல வகைகள் உள்ளன.

அவற்றைப் பார்ப்போம்

வெள்ளை சர்க்கரை, பழுப்பு சர்க்கரை, நாட்டு சர்க்கரை, செயற்கை சர்க்கரை, சூப்பர்ஃபைன் சர்க்கரை (காஸ்டர் சர்க்கரை), சர்க்கரை ஆல்கஹால், மேப்பிள் சர்க்கரை என பலவகைகள் உள்ளன.

வெள்ளை சர்க்கரை

வெள்ளை சர்க்கரை என்பது கரும்புச்சாறிலிருந்து தயாரிக்கப்படும் நாட்டு சர்க்கரை சில ரசாயனங்களால் சுத்திகரித்து அதன் பழுப்பு நிறத்தைப் போக்கி, தூய்மையான வெள்ளை நிறத்தில் தயாரிக்கப்படுகிறது. இதில் கெமிக்கல்கள் அதிகளவு உபயோகப்படுத்துவதால், இது உடலுக்கு தீங்கு விளைவிப்பதாக ஆய்வுகள் தெரிவிக்கின்றன.

பழுப்பு சர்க்கரை (நாட்டு சர்க்கரை)

பழுப்பு சர்க்கரை ( பிரவுன் சுகர்) என்பது கரும்புச் சாறில் இருந்து வெல்லப்பாகு எடுத்து தயாரிக்கப்படும் சர்க்கரையாகும். வெள்ளை சர்க்கரையை அந்த நிறத்திற்கு கொண்டு வருவதற்காக ஏராளமான கெமிக்கல்கள் பயன்படுத்தப்படுகின்றன. ஆனால் பழுப்பு சர்க்கரையில் அவை சேர்க்கப்படுவதில்லை. இதனால், இதில் வைட்டமின்கள் மற்றும் தாதுக்களும் நமக்கு முழுவதுமாக கிடைக்கின்றன.

மேலும், சுத்திகரிக்கப்படாத இயற்கையான நாட்டுச் சர்க்கரையானது, மாதவிடாய் பிடிப்புகளுக்கு சிகிச்சையளிக்கவும், மலச்சிக்கலைக் குறைக்கவும், சருமத்தில் நீரேற்றத்தை அதிகரிக்கவும் உதவுகிறது. மேலும் கலோரிகள் குறைவானது என்பதால், நாட்டுச்சர்க்கரையை எடை குறைக்க முயல்பவர்கள் கூட எடுத்துக்கொள்ளலாம். ஆனால் இதுவும் சர்க்கரைதான் கவனம்.

மேப்பிள் சர்க்கரை (Maple Syrup):