ஜோக்ஸ்
தத்துவம் மச்சி தத்துவம்
என்னதான் வான்கோழி யானாலும் அது முட்டை போடணும்னா பூமியில்தான் போட முடியும். வானத்தில் எல்லாம் போட முடியாது! - கணக்கு வாத்தியாரிடம் முட்டை வாங்கும் கூமுட்டைகள் சங்கம் - என்.கஜேந்திரன், நிரவி.
‘‘அந்தக் கட்சி ஆபீஸ்ல ஏன் கவர்ச்சிப் படங்களா ஒட்டியிருக்கு..?’’ ‘‘கவர்ச்சி அரசியல் பண்றது தலைவருக்கு ரொம்பப் பிடிக்குமாம்..!’’ - ம.நிவேதா, பொரவச்சேரி.
‘‘என்ன கபாலி... திடீர்னு அரசியல்ல இறங்கிட்டே?’’‘‘நானும் எத்தனை நாளைக்குத்தான் நடு ராத்திரியில போய் கடைகளைத் திறக்கிறது ஏட்டய்யா? ஒரு சேஞ்சுக்கு பகல்ல பொதுமக்கள் முன்னிலையில கடைகளைத் திறக்கணும்னு ஆசை. அதான்!’’ - சரவணன், கொளக்குடி.
‘‘தலைவரே... 2016ல் நாம கூட்டணி சேர முடியாது. தனிச்சுதான் நிக்கணும் போலிருக்கு!’’‘‘ஏன்யா?’’‘‘கட்சியில 234 கோஷ்டிகள் உருவாகிடுச்சி...’’ - பர்வீன் யூனுஸ், ஈரோடு.
‘‘நாளைக்கு அந்த பேஷன்ட்டுக்கு ஆபரேஷன் செய்யணுமே, ஏன் சிஸ்டர் வேண்டாம்ங்கறீங்க..?’’ ‘‘அவர் ‘கருணை மனு’ கொடுத்துருக்கார் டாக்டர்!’’ - யுவகிருஷ்ணா, தூத்துக்குடி.
‘‘தலைவருக்குத் தனிமைன்னா ரொம்பப் பிடிக்கும்...’’‘‘அதுக்காக பொதுக்கூட்டம் போட்டுட்டு தனியா பேசறது நல்லாவா இருக்கு?’’ - பெ.பாண்டியன், கீழசிவல்பட்டி.
என்னதான் விஞ்ஞானி வீட்டுக் கிணறா இருந்தாலும் பக்கெட்டை உள்ளே விட்டுத்தான் தண்ணீர் எடுக்க முடியும்; ராக்கெட்டை விட்டுத் தண்ணீர் எடுக்க முடியாது! - வறட்சிக் காலத்திலும் பக்கெட் பக்கெட்டாக தத்துவத் தண்ணீர் வழங்குவோர் சங்கம் - ஏ.எஸ்.யோகானந்தம், ஈரோடு.
|