*ராதாமோகன் அடுத்து இயக்கும் படம் ‘உப்புக்கருவாடு’. ‘மொழி’ போல, ஹீரோயினுக்கு முக்கியத்துவம் கொண்ட கதை இது. ‘சூதுகவ்வும்’ கருணாகரன், இதில் கதை நாயகன். ஹீரோயினாக நந்திதா நடிக்கிறார். பரபரவென ஷூட்டிங்கை தொடங்கிவிட்டார் ராதாமோகன்.

*சூர்யா ‘மாஸ்’ படத்தின் முதல் டீஸரை பொங்கலுக்கு வெளியிடுகிறார். நிச்சயம் ஏப்ரல் 14ம் தேதி ரிலீஸ் என முடிவு செய்துவிட்டார்கள். இதுவரை இல்லாத அளவுக்கு புது விதத்தில் காமெடி செய்திருப்பதாக சூர்யா நம்புகிறார்.

*‘உத்தம வில்லன்’ ஃபைனல் வேலைகளை கமலே நேரடியாக உட்கார்ந்து பார்க்கிறார். அமெரிக்காவில் பாடல் ரிலீஸுக்கு ஏற்பாடு நடக்கிறது.

*சரித்திரம் திரும்புகிறது. தனுஷ், அண்ணன் செல்வராகவனை ஒரு படம் செய்யச் சொல்லியிருக்கிறார். நெகிழ்ந்த செல்வா உடனே சரி சொல்லிவிட்டார். ‘‘பழைய கூட்டணியான கேமராமேன் அர்விந்த்கிருஷ்ணா, யுவன், நான், நீங்கள் எல்லாம் சேர்ந்து செய்கிறோம்’’ என தனுஷ் சொல்லி இருக்கிறார். அடடா, நல்லாயிருக்குமே!

*எப்போதும் மார்கழி சீஸனில் மாதவன் போயஸ் கார்டன் வீட்டுக்கு வந்து தங்கி கச்சேரிகளை ரசிப்பார். ஆட்டோகிராப் போடுவார். கேன்டீன் டிபன் ரசித்து ருசிப்பார். ‘‘இப்போது இரண்டு இந்திப்படங்களின் ஷூட்டிங் தொடர்ச்சியாக நடப்பதால் கச்சேரிகளை மிஸ் பண்ணிட்டேன்...’’ என ஃபீல் பண்ணுகிறார்.

*ரஜினி ‘லிங்கா’ படக் கணக்கு களை கேட்டு இருக்கிறார். வந்த வசூலையும் விசாரிக்கிறார்.
அனேகமாக கொஞ்சம் தொகை தியேட்டர் அதிபர்களுக்குக் கிடைக்கலாம்.

*‘சென்னைப் பொண்ணாக இருந்தால் டயட் கூட ஒழுங்கா இருக்கமுடியாது போல...’ என புலம்புகிறார் சமந்தா. ‘‘தென்னிந்திய உணவு வகைகளுக்கு நான் ரொம்ப ஃபேன். ஷூட்டிங் ஸ்பாட்ல தோசை, இட்லி, வடையைப் பார்த்தால், எவ்வளவு ஸ்ட்ரிக்ட் டயட்னாலும் கன்ட்ரோல் பண்ண முடியலை’’ என ஃபீல் பண்ணுகிறார் சமந்தா.

*‘கும்கி’யில் யானையை வைத்து எடுத்த மாதிரி சிங்கத்தை வைத்து ஒரு கதையை ரெடி பண்ணியிருக்கிறார் பிரபுசாலமன். அடுத்த படம் அந்தக் கதைதான். பல ஹீரோக்கள் பயந்து நடுங்குவதால் புது ஹீரோவை தேடுகிறார்.

*‘முகமூடி’ ஹீரோயின் பூஜா ஹெக்டேவை நினைவிருக்கிறதா? ‘மிஸ் இண்டியா’ பட்டம் வாங்கின பொண்ணு. தெலுங்கில் அவர் நடித்த ‘முகுந்தா’ ரிலீஸுக்கு ரெடியாகியிருப்பதில் பூரித்திருக்கிறார் பூஜா. ‘‘படத்தைப் பார்த்துவிட்டு நிறைய வாய்ப்புகள் வரும்’’ என முகம் மலர்கிறார்!

*அட்லி திருமண கோலாகலத்திலிருந்து விழித்துக்கொண்டு விஜய் படத்தில் மூழ்கிவிட்டார். ஹீரோவாகிவிட்ட ஜி.வி.
பிரகாஷை அழைத்துக்கொண்டு ரஷ்யாவிற்குப் போய் மியூஸிக் கம்போஸிங் போகிறார். யோகமய்யா யோகம்.

*பாலாவின் ‘தாரை தப்பட்டை’ ஷூட்டிங் தஞ்சாவூரில் விறுவிறுத்துக்கொண்டிருக்கிறது. நாதஸ்வர வித்வானாக சசிகுமார் நடிக்கிறார். பாலாவின் தயாரிப்பான ‘பிசாசு’ படத்தை தஞ்சாவூரில் உள்ள மல்ட்டிபிளக்ஸ் தியேட்டரில் சசிகுமார், வரலட்சுமி மற்றும் டெக்னீஷியன்கள் பலரும் பார்த்து ரசித்திருக்கிறார்கள்.

*விக்ரம்பிரபு, சிவகார்த்திகேயன், அதர்வா, ஜி.வி.பிரகாஷ் என முக்கியமான படங்களில் தொடர்ந்து நடித்து வந்தாலும், அவ்வளவு பிஸிக்கு இடையிலும் தொடர்ந்து பி.ஏ. படித்து வருகிறார் ஸ்ரீதிவ்யா. இதை சாக்கு வைத்து ஹீரோக்களிடம் வம்பளக்காமல் சமர்த்தாக போய் படிக்க உட்கார்ந்துவிடுகிறார்.

*வெற்றிமாறன் அடுத்து இயக்கும் படம் ‘விசாரணை’. இது ‘லாக்அப்’ என்ற நாவலை அடிப்படையாகக் கொண்ட கதை என்கிறார்கள். ‘அட்டகத்தி’ தினேஷ் ஹீரோ. ஹீரோயினாக ‘கயல்’ ஆனந்தி நடிக்கிறார். பாலுமகேந்திராவின் சினிமா பட்டறை யில் பெரும்பகுதி ஷூட்டிங் நடக்க
விருக்கிறதாம்!

*‘லிங்கா ஃபிளாப்பா... சக்சஸா... என சர்ச்சைகள் ஓடிக்கொண்டிருக்க, எதைப் பற்றியும் கவலைப்படாமல் அடுத்த படத்திற்கான ஸ்டோரி டிஸ்கஷனை ஆரம்பித்துவிட்டார் கே.எஸ்.ரவிகுமார். கன்னடத்தில் சுதீப் நடிக்கும் படத்தை இயக்கிவிட்டு, மீண்டும் தமிழுக்கு வர உள்ளாராம்!

*ஐஸ்வர்யா தனுஷ் இயக்கிய ‘வை ராஜா வை’ படத்தில் ஒரு பாடலை எழுதியிருக்கிறார் தனுஷ். யுவன் இசையமைத்திருக்கும் அந்தப் பாடலை இளையராஜா பாடியிருக்கிறார். ‘‘நான் தெய்வமா மதிக்கிற இளையராஜா, நான் எழுதிய பாடலை பாடியிருப்பது சந்தோஷமா இருக்கு’’ என நெகிழ்கிறார் தனுஷ்.

*க்யூட் ஃபேஸ், ஹோம்லி லுக்குக்காக ரொம்பவும் எதிர்பார்க்கப்பட்ட பொண்ணு மியா ஜார்ஜ். ஆர்யா தம்பி சத்யாவுடன் ‘அமரகாவியம்’ படத்தில் நடித்தவர். இப்போது விஷ்ணுவுடன் மட்டும் ஒரு படத்தில் நடிக்கிறார். ‘‘எண்ணிக்கை முக்கியமில்லை. நல்ல கதைகளாக செலக்ட்டிவாகத்தான் படங்கள் பண்றேன்’’ என சொல்லும் மியா, தமிழ் கற்று வருகிறார்.

*விஜயகாந்த் மகன் சண்முகப்பாண்டியன் ஹீரோவாக நடிக்கும் ‘சகாப்தம்’ பட ஹீரோயின் நேகா ஹிங்க். ‘மிஸ் இண்டியா இன்டர்நேஷனல்’ அவார்ட் வாங்கின பொண்ணை பாவாடை, தாவணி கொடுத்து, பக்கா கிராமத்து லுக்கிற்கு மாற்றி விட்டிருக்கிறார்கள்.

*செலிப்ரிட்டி கிரிக்கெட் லீக்கி(சிசிஎல்)ன் கேப்டனாக இதுவரை விஷால் இருந்து வந்தார். வரும் 2015ம் ஆண்டிலிருந்து விஷாலுக்கு பதிலாக டீமின் கேப்டனாகிறார் ஜீவா.

*கமலின் 3 படங்களுக்கு இசையமைத்து வரும் ஜிப்ரானுக்கு, மேலும் ஒரு மகிழ்ச்சியான செய்தி. அப்பா ஆகியிருக்கிறார். பையன் பிறந்திருப்பதில் ஜிப்ரான் முகத்தில் இப்போது ஜிலுஜிலு சிரிப்பு!

*பிறந்தநாளை தனது மும்பை வீட்டில் கொண்டாட முடியாவிட்டாலும், ஹேப்பியாக செலிப்ரேட் பண்ணியிருக்கிறார் தமன்னா. எஸ்.எஸ்.ராஜமௌலி இயக்கி வரும் ‘பாகுபலி’ ஷூட்டிங்காக பல்கேரியா போயிருந்த தமன்னா, அங்கே பிறந்த நாளைக் கொண்டாடி மகிழ்ந்திருக்கிறார் தம்ஸ்.