எந்தப் பாறையில வேணும்னாலும் சிற்பம் செதுக்க முடியும். ஆனா கடப்பாறையில சிற்பம் செதுக்க முடியுமா?
- உளி கொண்டு தத்துவங்களை செதுக்கி ஊர் முழுக்க பரப்புவோர் சங்கம்

‘‘தலைவரே... மக்கள்கிட்ட விழிப்புணர்ச்சி இல்லைன்னு எதை வச்சு சொல்றீங்க?’’
‘‘மீட்டிங்ல நான் பேச ஆரம்பிச்சதும், எல்லோரும் தூங்க ஆரம்பிச்சிடறாங்களே..!’’

‘‘ஆபரேஷனுக்கு அந்த பேஷன்ட் எப்படி உடனே ஒத்துக்கிட்டார்..?’’
‘‘அவர் வாழ்க்கையில நிறைய முறை தற்கொலைக்கு முயற்சி செஞ்சு தோற்றுப் போனவராம்...’’

‘‘ஆனாலும் நம்ம தலைவர் பத்திரிகையில இப்படியா விளம்பரம் கொடுப்பார்..?’’
‘‘ஏன்... என்னாச்சு?’’
‘‘கட்சி தாவாத நிரந்தரத் தொண்டர்கள் தேவைன்னு விளம்பரம் கொடுத்திருக்காரே..!’’

பெரிய பெரிய அரண்மனை பங்களாவை ‘செட்’ போட்டு உருவாக்கலாம். ஆனால் சின்ன வீட்டை ‘செட்டப்’ செஞ்சுதான் உருவாக்க முடியும்!
- சின்ன வீட்டுக்குக்கூட கரெக்டா ஸ்கெட்ச் போடுவோர் சங்கம்

‘‘என் புதுப் படத்துல ஹீரோ, ஆயுள் தண்டனைக்கு எதிரா போராடறார்...’’
‘‘அப்புறம்..?’’
‘‘கடைசியில் போராட்டத்தை கை விட்டுட்டு கல்யாணத்துக்கு சம்மதிச்சிடறார்!’’