‘‘அமைச்சரே, எனக்கு ஒரு தகவல் தேவை!’’
‘‘என்ன மன்னா..?’’
‘‘இந்த வருடம் நான் எந்தெந்த அரசிகளுடன் தலை தீபாவளி கொண்டாட
வேண்டும்..?’’

என்னதான் பட்டாசோட ‘திரி’யைக் கிள்ளினாலும், அது வலியில ‘ஆ’ன்னு எல்லாம் கத்தாது!
- அடிக்கடி காதலி இடுப்பைக் கிள்ளி, அவள் செல்லமாய் சிணுங்குவதை ரசிப்போர் சங்கம்

‘‘தலைவரை அநியாயத்துக்குப் பழி வாங்கறாங்கனு எப்படிச் சொல்றே..?’’
‘‘வருமானத்துக்கு அதிகமா ‘தீபாவளி பலகாரம்’ செஞ்சதா அவர் மேல வழக்கு போட்டிருக்காங்களே...’’

‘‘நாங்கள் ஆட்சிக்கு வந்தால் ‘பொட்டு’ வெடி மட்டுமல்ல... ‘ஸ்டிக்கர் பொட்டு’ வெடியும் அறிமுகப்படுத்துவோம் என்பதை சொல்லிக்கொள்ள கடமைப்பட்டுள்ளேன்.’’

என்னதான் பட்டாசுக் கடைக்காரர்னாலும், தீபாவளிக்கு புது ஜட்டி வாங்கித்தான் போடுவார். ‘பூச்சட்டியை’ வாங்கிப் போட்டுக்க மாட்டார்!
- ஜட்டிகள் பற்றி கெட்டியான ஆராய்ச்சிகள்
செய்வோர் சங்கம்

‘‘தீபாவளி சமயத்துல தலைவருக்கு பட்டம் குடுக்கப் போறாங்கன்னு சொன்னபோதே சந்தேகப்பட்டேன்...’’
‘‘ஏன்... என்னாச்சு?’’
‘‘அரசியல் புஸ்வாணம்னு பட்டம் குடுத்துட்டாங்க...’’

‘‘தீபாவளிக்கு என் மனைவி செஞ்சிருந்த ஸ்வீட்ஸை வீட்டு ஓனர்கிட்ட டேஸ்ட் பார்க்கத் தந்தது தப்பாப் போச்சு!’’
‘‘ஏன்?’’
‘‘ஸ்வீட்டை காலி பண்றீங்களா... இல்ல, வீட்டை காலி பண்றீங்களான்னு கேட்டுட்டார்..!’’