‘‘பங்கஜம்... நீ செய்யற மைசூர்பாகு மாதிரியே இருக்கு எங்க கட்சி...’’
‘‘ரொம்ப ஸ்வீட்டானதுன்னு சொல்ல வர்றீங்களா..?’’
‘‘எந்தக் கொம்பனாலும் உடைக்க முடியாதுன்னு சொல்ல வர்றேன்!’’

என்னதான் ஸ்ரீஹரிகோட்டாவுல வேலை செய்யற விஞ்ஞானியோட மகனா இருந்தாலும் தீபாவளிக்கு சிவகாசியில செஞ்ச
‘ராக்கெட்’டைத்தான் விடணும்.
- பட்டாசுக் கடைக்காரர் பெண்ணுக்கு பி‘ராக்கெட்’ போட்டு புஸ்வாணமாகிப் போனோர் சங்கம்

‘‘என்னய்யா வெடி வேணும்?’’
‘‘ஹன்சிகா மாதிரி அழகா, சிவப்பா, பருமனா எதுன்னா கொடுங்க கடைக்காரரே..!’’

‘‘தலைவர் எதுக்கு அப்துல் கலாமுக்கு கால் பண்ணச் சொல்றார்..?’’
‘‘அவர் வாங்கின ராக்கெட் வெடி சரியா வெடிக்கலையாம்..!’’

என்னதான் பட்டாசுல மருந்து இருந்தாலும், அதை மெடிக்கல் ஸ்டோர்ல விற்க மாட்டாங்க!
- பட்டாசு மருந்தை வைத்து தீபாவளி விருந்தை வைக்க முயற்சிப்போர் சங்கம்

‘‘பொண்ணுக்கு தலை தீபாவளி ஆச்சே... என்ன எடுத்தீங்க?’’
‘‘மாப்பிள்ளையை ஜாமீன்ல எடுத்தேன்..!’’

‘‘தீபாவளிக்கு மறுநாளே மீட்டிங் போட்டது தப்பாப் போச்சா... ஏன்?’’
‘‘வீட்ல மீந்து போன பலகாரங்களை எல்லாம் எடுத்து வந்து, தலைவர் மேல வீச ஆரம்பிச்சிட்டாங்க...’’