‘‘நீங்க வேலை செய்யற ஆபீஸ்ல தீபாவளி போனஸே கொடுக்கக் கூடாதுன்னு ஏன் சார் வேண்டிக்கறீங்க..?’’
‘‘பணத்தைப் பார்த்ததும் என் மனைவி தீபாவளிக்கு பலகாரம் செய்ய ஆரம்பிச்சுடுவாளே..!’’

‘‘தலைவர் எதுக்கு ‘கம்பி’ மத்தாப்பை தடை செய்யணும்ங்கறார்?’’
‘‘பேரைக் கேட்டாலே ஜெயில் ஞாபகம் வருதாம்..!’’

‘‘கபாலிக்கு பக்தி அதிகம்னு எப்படிச் சொல்றே?’’
‘‘பட்டாசுக் கடைக்கு திருடப் போனா, முதல்ல லட்சுமி வெடியை தொட்டுக் கும்பிட்டு திருடிட்டு, பிறகுதான் மத்த வெடிகளைத் திருடுவான்..!’’

‘‘சி.பி.ஐ. காரங்க ஏன் தலைவர் மேல ரொம்ப கோபமா இருக்காங்க..?’’
‘‘தலைவர் வீட்டுக்கு அவங்க ரெய்டுக்கு வரும்போது தீபாவளி
இனாம் கொடுத்தாராம்..!’’

ஜாக்கெட்டுல ஜன்னல் வச்சு வாங்கலாம்; ராக்கெட்டுல ஜன்னல் வச்சு வாங்க முடியுமா?
- ரவிக்கை போடாத பெண்களை ரவுசு பண்ணுவோர் சங்கம்

‘‘தீபாவளிக்கு ரிலீஸ் கிடையாதாம்... பொங்கலுக்கும் ரிலீஸ் ஆகறது சந்தேகம்தானாம்!’’
‘‘எந்தப் படம்..?’’
‘‘படம் இல்ல, ஜெயில்ல இருக்கற நம்ம தலைவர்..!’’

கர்நாடகம் காவிரித் தண்ணீர் தர்றவரைக்கும், ஏன் தமிழ்நாட்டில் மைசூர்பாகுக்கு தடை விதிக்கக் கூடாது?
- பலகாரத்தில் நெய்க்கு பதிலாக பாலிடிக்ஸை கலப்போர் சங்கம்