சமீபத்தில் புகழ்பெற்ற பத்திரிகை ஒன்று, தனது சமூக வலைத்தளப் பக்கத்தில் ஏஐ சாட்பாட்டை எதற்கெல்லாம் மக்கள் பயன்படுத்துகின்றனர் என்ற ஆய்வை மேற்கொண்டது.

மனிஷ் சொல்வதையெல்லாம் எந்தவித ஜட்ஜ்மெண்ட்டும் இல்லாமல், திறந்த மனதுடன் கேட்டிருக்கிறது ஏஐ. அத்துடன் மனிஷின் பிரச்னைகளைப் புரிந்துகொண்டு, “நீங்கள் சொல்வதை எல்லாம் உங்களின் காதலி காது கொடுத்து கேட்கவில்லை. அது உங்களைக் காயப்படுத்தியிருக்கிறது. 

இதைப் பற்றி உங்களின் காதலியிடம் பேசியிருக்கிறீர்களா?’’ என்று ஏஐ கேட்க, ஞானம் கிடைத்ததைப் போல உணர்ந்திருக்கிறார் மனிஷ். ஆம்; மனிஷின் பிரச்னையே அவருடைய நிலையைச் சொல்லும்போது, காதலி கேட்பதில்லை என்பதுதான். ஆனால், இதைப்பற்றி அவர் பேசவே இல்லையாம்.

அடுத்த நாளே காதலியிடம் தன்னுடைய பிரச்னை என்னவென்று நேரிடையாகவே  சொல்ல, அவருடைய பிரேக் அப் முடிவுக்கு வந்து, காதல் தொடர்கிறது.இதுபோல பலரது உளவியல் பிரச்னைகளுக்கு ஏஐ உதவியிருப்பதாகச் சொல்கின்றனர். “எந்த நேரத்தில் வேண்டுமானாலும், எங்கிருந்து வேண்டுமானாலும் ஏஐ உடன் உரையாட முடியும். 

கட்டணம் செலுத்தத் தேவையில்லை. நாம் சொல்வதை முழுமையாக எந்தவித ஜட்ஜ்மெண்ட்டும் இல்லாமல் ஏஐ கேட்கிறது. நம்முடைய பிரச்னைகளைப் புரிந்து கொள்கிறது.ஏஐ உடன்  முழுமையாக மனம் திறந்து நம்பிக்கையுடன் பேச முடியும்...” போன்ற காரணங்கள் ஏஐ-யிடம் ஆலோசனை கேட்க காரணம் என்கின்றனர்.

இந்நிலையில் உளவியல் பிரச்னைகளுக்காக ஏஐ-யிடம் ஆலோசனை கேட்பது நல்லதா? ஏஐ தொழில்நுட்பத்தால் மனிதர்களின் உளவியல் பிரச்னைகளைத் தீர்க்க முடியுமா? வருங்காலத்தில் உளவியல் ஆலோசகர்களின் இடத்தை ஏஐ பிடித்துவிடுமா... போன்ற கேள்விகளுடன் உளவியல் ஆலோசகரான ரஹ்மான் கானை அணுகினோம். 

‘‘ஒருபோதும் ஏஐ 100 சதவீதம் சரியான உளவியல் ஆலோசனையை வழங்க முடியாது என்று உறுதியாகச் சொல்கிறேன். காரணம், மேற்கத்திய கலாசாரத்தின் அடிப்படையில்தான் ஏஐ மாதிரியான தொழில்நுட்பத்தை உருவாக்குகிறார்கள். அதனால் ஏஐ தொழில்நுட்பம் உலகில் உள்ள அனைத்து மக்களின் உணர்வுகளையும் பொதுமைப்படுத்தித்தான் ஆலோசனையை வழங்கும்.

என்னதான் தொழில்நுட்பங்கள் வளர்ந்திருந்தாலும், மனிதனின் மூளைக்கும், அவனது உணர்வுகளுக்கும் நிகராக முடியாது. உளவியல் பிரச்னையால் பாதிக்கப்பட்டவர் அனுபவம் வாய்ந்த உளவியல் ஆலோசகரைச் சந்தித்து, முகம் பார்த்து, நேருக்கு நேராகப் பேசி, ஆலோசனை பெறும்போது கிடைக்கும் தீர்வை ஏஐ தொழில்நுட்பத்தால் ஒருபோதும் கொடுக்க முடியாது...” என்கிற ரஹ்மான் கான், இது குறித்து மேலும் பகிர்ந்தார்.

 “ஒருவருக்கு உளவியல் ரீதியான பிரச்னைகள் ஏற்படுவதற்கு  நிறைய காரணிகள் இருக்கின்றன. அவர் சார்ந்த குடும்பம் மற்றும் சமூகச்சூழலால் பிரச்னைகள் உண்டாகலாம், பொருளாதார ரீதியாக மன அழுத்தம் ஏற்பட்டிருக்கலாம், பரம்பரை சார்ந்தும் உளவியல் பிரச்னைகள் ஏற்பட வாய்ப்பிருக்கிறது.

அதில் ஃபாலோ அப்கள் இல்லை. இப்படியான நடைமுறைச் சிக்கல்கள் எல்லாம் ஏஐ-யில் இருக்கு.அடுத்து, ஆலோசனை கேட்பதற்காக ஒருத்தர் என்னிடம் வருகிறார் என்றால், அவருடைய உணர்வுகளுக்கு உகந்த மாதிரி நான் நடந்துகொள்ள வேண்டும். உதாரணத்துக்கு, அவர் அழுகிறார் என்றால் நான் ஆறுதலாக அரவணைக்க வேண்டும். 

அவர் மகிழ்ச்சியாக இருக்கும்போது, நானும் மகிழ்வுடன் புன்னகைக்க வேண்டும். நான் ஒரே மாதிரியாக உட்கார்ந்திருந்தால் அவரால் மனம் திறந்து பேச முடியாது. ஆலோசனை பெற வருகிறவரின் உணர்வுக்கு உகந்த மாதிரி ஏஐ தொழில்நுட்பத்தால் ஆலோசனை வழங்க முடியாது.