உலகில் இதுவரை 7 கண்டங்கள் மட்டுமே இருப்பதாக சொல்லப்பட்டு வந்தது. இந்நிலையில் புதியதாக 8வது கண்டத்தை விஞ்ஞானிகள் கண்டுபிடித்துள்ளனர். கடலுக்கு அடியில் இருக்கும் இது தோராயமாக இந்தியாவின் சைஸில் இருக்கும் என்கிறார்கள்.

பல வருடங்களாக கடலுக்கு அடியில் மேற்கொள்ளப்பட்டிருக்கும் ஆய்வில் இந்த உண்மை தெரிய வந்திருப்பதாக விஞ்ஞானிகள் கூறியுள்ளனர்.அமெரிக்க புவி இயற்பியல் யூனியனின் டெக்டோனிக்ஸ் இதழில் இது தொடர்பான ஆய்வு வெளிவந்திருக்கிறது. சுமார் 5 மில்லியன் சதுர கிமீ பரப்பளவை இந்த கண்டம் கொண்டிருப்பதாகவும், இது தோராயமாக இந்தியாவின் அளவு எனவும் விஞ்ஞானிகள் கூறியுள்ளனர்.

கொஞ்ச நாட்களுக்கு அது மிதந்துகொண்டுதான் இருந்தது. ஆனால், பின்நாட்களில் இதன் புவி தட்டுக்கள் பலவீனமடையத் தொடங்கின. விளைவு- அப்படியே நீரில் மூழ்கத் தொடங்கியது.

இன்று, நியூசிலாந்து மற்றும் நியூ கலிடோனியா கடல் பகுதியில் இந்தக் கண்டத்தின் சில மேடுகள் மட்டும் தீவுகளாகக் காட்சியளிக்கின்றன.இன்றும் கடலுக்கு அடியில் நிலப்பரப்புகள் இருக்கத்தான் செய்கின்றன. ஆனால், இந்த நிலப்பரப்பில் எது கண்டம்? எது கடலின் அடிப்பகுதி என்று எப்படி விஞ்ஞானிகள் கண்டுபிடித்தார்கள் என்பது வியப்புக்குரிய கேள்வி.

அதாவது இந்த தீவுகளைச் சுற்றியுள்ள பவளப்பாறைகளை சேகரித்து சோதனை செய்து பார்த்தனர். மற்ற இடங்களில் கிடைக்கும் பாறைகளுக்கும், இங்கு கிடைத்த பாறைகளுக்கும் நிறைய வேறுபாடுகள் இருந்தன. 

காரணம், தீவைச் சுற்றியுள்ள பாறைகளின் வயது மற்ற இடங்களில் கிடைத்த பாறைகளின் வயதைவிட குறைவு. ஆனால், தீவிலிருந்து 100 கிமீ தொலைவில் எடுக்கப்பட்ட பாறைகள் ஒரே மாதிரியாகத்தான் இருந்தன.

எனவே, தீவை ஒட்டியுள்ள நிலப்பரப்பு அனைத்தும் ஒரே மாதிரியானது என்கிற முடிவுக்கு ஆய்வாளர்கள் வந்தனர்.பவளப் பாறைகள் மட்டுமல்லாது மற்ற பாறைகளையும் ஆய்வாளர்கள் கார்பன் டேட்டிங் செய்து பார்த்தனர். 

அதில், சுமார் 5 மில்லியன் சதுர கிமீ பரப்பளவில் உள்ள பாறைகள் அனைத்தும் ஒரே வயதில் இருப்பது உறுதி செய்யப்பட்டது.அதேபோல சீலாண்டியா கண்டத்தில் எரிமலைகள் இருந்ததும், அவை வெடித்திருந்ததும் கூட தற்போதைய ஆய்வில் கண்டுபிடிக்கப்பட்டிருக்கிறது. ரைட்டு... உடனடியாக ஒரு ஹாலிவுட் படம் இது தொடர்பாக வரும்! வரட்டுமே!