வெளிநாடுகளுக்கு செல்லும்போது வழக்கமாக விமானங்களை பயன்படுத்தும் பிரதமர் மோடி, முதல் முறையாக உக்ரைன் நாட்டுக்கு ரயிலில் சென்றிருக்கிறார்.

போலந்தில் இருந்து கீவ் நகருக்கு 20 மணி நேரப் பயணமாம். போரால் பாதிக்கப்பட்ட உக்ரைனின் பகுதிகளின் வழியாகச் செல்லும் இந்த ரயிலில், உலகத்தரம் வாய்ந்த பாதுகாப்பு அம்சங்கள், சொகுசு வசதிகள், வேலை மற்றும் ஓய்வெடுப்பதற்கான வசதிகள் அனைத்தும் இடம்பெற்றிருந்தன. பொதுவாக ஒவ்வொரு நாட்டுத் தலைவர்களும் மற்ற நாடுகளுக்குச் செல்லும்போது விமானங்களைத்தான் பயன்படுத்துவார்கள். 

ஆனால், கடந்த 2022ம் ஆண்டு பிப்ரவரி மாதத்தில் உக்ரைன் மீது ரஷ்யா போர் தொடுத்த பிறகு அந்நாட்டுக்குச் செல்லும் தலைவர்கள் பலரும் விமானங்களைவிட ரயிலைத்தான் பயன்படுத்துகிறார்கள். அதிலும் ‘ரயில் ஃபோர்ஸ் ஒன்’ ரயிலைத்தான் அதிகம் பயன்படுத்துகிறார்கள்.