ஆம். உலகின் மிகப்பெரிய பனிப் பாறை. மிகப் பெரியது என்றால் சென்னையைப் போல நான்கு மடங்கு, லண்டனைப் போல் இரு மடங்கு பெரியது இந்தப் பனிப்பாறை.

அன்டார்டிக் கடற்கரையில் இருந்து பிரிந்து கடலில் மிதந்து வருகிறது இந்த A23a. இந்தப் பனிப்பாறையின் பயணம் நீண்ட காலமாக ஆவணப்படுத்தப்பட்டுள்ளது; ஆவணப்படுத்தப்படுகிறது. 

அன்டார்டிக் கடற்கரையில் இருந்து பிரிந்து உடனடியாக வேடெல் கடல் தரை மணலில் சிக்கிக்கொண்டது.ஆனால், கடற்கரையில் இருந்து பிரிந்த பனிப்பாறை மீண்டும் கடலின் அடிப்பகுதியோடு இணையவில்லை. கடலின் தரைக்கும் பனிப்பாறையின் அடிப்பகுதிக்கும் இடையே குறைந்தது ஆயிரம் மீட்டர்கள் நீரால் நிறைந்துள்ளது என்கிறார்கள்.

ஒரு நிலையான பனித் தீவாக இருந்த இந்தப் பனிப்பாறை துளியும்கூட அங்கிருந்து நகராத நிலையில், 2020ம் ஆண்டில் இருந்து கொஞ்சம் கொஞ்சமாக நகரத் துவங்கியது.இந்நிலையில், பெரிய நீர்ச் சுழற்சியின் மையப் பகுதியில் இந்தப் பனிப்பாறை சிக்கிக்கொண்டு மீண்டும் நகராமல் இருப்பதாக விஞ்ஞானிகள் தெரிவிக்கின்றனர். 

உலகின் மிக வலிமையான கடல் நீரோட்டத்தோடு சேர்ந்து பயணிக்க வேண்டிய இந்தப் பனிப்பாறை, அன்டார்டிகாவின் வடக்குப் பகுதியில் கடந்த சில மாதங்களாகச் சுழலில் சிக்கிச் சுழன்ற வண்ணம் இருக்கிறது.

கடந்த 1920ம் ஆண்டில் முதன்முதலாக சர் ஜிஐசர் ஜிஐ (ஜியோ ஃபெரி இன்கிராம்) டெய்லர் இந்தச் சுழல் குறித்து விவரித்துள்ளார். கேம்பிரிட்ஜில் படித்த இவர் திரவ இயக்கவியல் துறையில் ஒரு முன்னோடியாகச் செயல்பட்டார். 

பேராசிரியர் டெய்லர், சரியான சூழலில், நீரோட்டத்தில் ஏற்படும் தடை எவ்வாறு இரு வித்தியாசமான நீரோட்டங்களை உருவாக்கும் என்பதையும் அவற்றுக்கு மத்தியில் எவ்வாறு ஆழமான நீர்ச் சுழற்சியை உருவாக்கும் என்பதையும் விவரித்துள்ளார்.