உலகளவில் இன்று அதிகம் பேசப்படும் ஒரு கலைத் தொழிலாக டிசைனிங் துறை விளங்குகிறது. இந்தியாவிலும் பெரிய பெரிய நிறுவனங்கள் எல்லாம் இந்தத் தொழிலில் போட்டிபோட்டுக் கொண்டு முண்டி அடித்துக் கொண்டிருக்கின்றன. 

ஆனால், தில்லியில் பத்துக்குப் பத்து அடி கொண்ட இரு அறைகளில் இருந்து கொண்டு ஒரு 8 பேர் கொண்ட டிசைனிங் குழு இந்தியாவை மட்டுமல்லாமல், வெளிநாடுகளையே மூக்கில் விரலை வைத்துப் பார்க்கும் அளவுக்கு அண்மைக் காலமாக சாதித்து வருகிறது. உதாரணம் அடுத்தவாரம் பாரிசில் நடக்கவிருக்கும் ஒலிம்பிக்கில் கலந்துகொள்ளும் இந்திய வீரர்களுக்கான ஜெர்சியை இந்தக் குட்டிக் குழு தயாரித்திருப்பது.

ஆகிப், காஷ்மீரைச் சேர்ந்தவர். அவரது தந்தை உலகளவில் பிரபலமாக இருக்கும் காஷ்மீர் கம்பளங்களை தயாரிப்பவர். ஆகிப்தான் இந்த நிறுவனத்தை சில ஆண்டுகளுக்கு முன் தில்லியில் ஆரம்பித்தார். முதன்முதலாக அவர்களுக்கு வந்த அசைன்மென்ட் ‘ரியல் காஷ்மீர் ஃபுட்பால் க்ளப்’ எனும் வெளியே பலருக்கும் தெரியாத ஒரு விளையாட்டுக் குழுவுக்கு ஜெர்சி தயாரித்தது.

‘‘ஒரு வீரர் மைதானத்தில் பல மணிநேரம் இருப்பதால் அந்த ஜெர்சி என்பது வீரர்களுக்கு கம்ஃபர்ட்டாக இருக்கவேண்டும் என்பது முதல் நோக்கம். அதோடு இந்திய கலாசாரத்தின் தன்மைகளையும் அது பேசவேண்டும். 

அப்போதுதான் அந்த பனியன்கள் வீரர்களுக்கு ஓர் உற்சாகத்தையும் வீரத்தையும் வழங்கும். இதனால்தான் இராஜஸ்தான் ராயல் பனியனில் இந்திய தேசிய விலங்கான புலியின் உடம்பில் இருக்கும் வரிகளையும் கொண்டு வந்தோம். இது  வீரர்களுக்கும் பார்வையாளர்களுக்கும் நிச்சயமாக ஒரு உணர்வை கட்டாயம் கடத்தும்...’’ என்றார்.

அதற்கு ஈடாக தில்லியில் இருக்கும் இண்டியன் இன்ஸ்டிடியூட் ஆஃப் ஆர்ட்ஸ் அண்ட் டிசைனிங்கில் படிக்க வாய்ப்பு கிடைத்தது. இதுவும் கடினமான நுழைவுத் தேர்வுக்குப் பின்னர்தான் கிடைத்தது...’’ என்று சொல்லும் நிகில் 2022ல் ஆகிப் வானியின் நிறுவனத்தில் வேலைக்கு தேர்ந்தெடுக்கப்பட்டார்.

‘‘ஆகிப் வானியின் நிறுவனத்தில் வேலை கிடைப்பதும் கடினம்தான். 150 பேர் போட்டியிட்டதில் நானும் இன்னும் சிலரும்தான் தேர்ந்தெடுக்கப்பட்டோம். இந்த ஆண்டு முதல் நிரந்தரப் பணியாளாகவும் ப்ரொமோஷன் கிடைத்திருக்கிறது. அடுத்து லண்டன் கிங்ஸ் காலேஜில் இருக்கும் மிகப் பிரபலமான டிசைனிங் காலேஜில் படிக்க வேண்டும் என்பது நோக்கம், கனவு.

ஆனால், பெரிய டிசைனர்கள் எல்லாம் இந்த காலேஜில் படிக்க போட்டி போட்டுக்கொண்டு ஆசைப்படுவார்கள் என்பதால் இன்னும் அனுபவத்துக்குப் பிறகு இதில் சேரலாம் என்று நண்பர்கள் அட்வைஸ் செய்கிறார்கள்.

 இப்போதைக்கு ஆகிப் வானியின், அவரது நிறுவனத்தின் பெயரைக் காப்பது எனது பொறுப்பு. உலகளவில் இந்த நிறுவனத்தின் பெயரையும் உயர்த்தவேண்டும். எதிர்காலத்தில் தமிழகத்துக்காக தனியாக சாதிக்கவேண்டும்...’’ கனவுகள் கண்களில் விரிய சொல்கிறார் நிகில்.