பாரா கிளைடிங் முடித்து ஒரு மணி நேரத்தில் திரும்ப வேண்டியவர்கள் மிக மிகத் தாமதமாகத் திரும்பியபோது என் மகளின் முகம் வெளிறிப் போயிருந்தது.

‘ஏன்’ என்றேன்.மேற்கொண்டு தொடரும் முன்பாக பாரா கிளைடிங் சாகசம் என்பது என்ன என்று சிறு குறிப்பு வரைந்துவிடலாம்.காற்றில் பறக்கும் அந்த சாகசத்தில் முறையான பயிற்சி இருந்தால் நாமே தனியாக பறந்து விட்டு வரலாம். சொந்தமாக கிளைடர் வாங்கி வைத்துக் கொண்டு அதை ஒரு பொழுதுபோக்காகவே வைத்திருப்போர் உலகம் முழுதும் உண்டு. 

அதன் விலை இந்திய மதிப்பில் ரூபாய் பத்தாயிரத்தில் துவங்கி பத்து லட்சம் வரை தரத்தின் அடிப்படையில் உண்டு. முறையாகப் பயிற்சி அளிக்கவும் நிறைய அமைப்புகள் உள்ளன.

நம்முடன் கூடவே ஒரு பைலட்டும் இருப்பார். அவர் பின்னேயும், நாம் முன்னேயுமாய் பாதுகாப்பு பெல்ட்டுகளை அணிந்துகொள்ள வேண்டும். மேலே வளைவாய் இருக்கும் வடிவமைப்பின் காரணமாக காற்றை நிரப்பிக்கொள்ளும் கிளைடர் எனப்படும் பலூனுடன் தொடர்புக் கயிறுகள் இணைக்கப்பட்டிருக்கும். 

பொம்மலாட்டத்தில் கயிறுகள் மூலம் பொம்மைகளை இயக்குவதைப் போல பைலட் குறிப்பிட்ட கயிற்றை இழுப்பதன் மூலம் குறிப்பிட்ட திசையில் திரும்புவதை கன்ட்ரோல் செய்வார்.

இந்த சாகச விளையாட்டை நடத்தும் பல நிறுவனங்களும் தங்கள் வாடிக்கையாளர்களுடன் அந்த உயரமான இடத்திற்கு வந்து அருகருகாக அமைந்துள்ள ஓடுபாதையைப் பயன்படுத்துவார்கள்.

இந்த விபத்தைக் கண் முன்னால் பார்த்ததும் இரண்டு பெண்களுக்கும் பயம் வந்துவிட்டது. ஆனால், நிறுவன ஊழியர்கள் ‘இது எப்போதாவது நிகழ்வது, அந்த இளைஞர் சரியாக ஒத்துழைக்கவில்லை, தைரியமாக நீங்கள் போங்கள்’ என்று பயத்தைப் போக்க முயன்றிருக்கிறார்கள். ‘வேண்டாம் என்று இப்போது சொன்னால் நீங்கள் கட்டிய இரண்டு பேருக்குமான ஆறாயிரம் தொகையும் திரும்பக் கிடைக்காது’ என்றிருக்கிறார்கள். 

இவர்கள் பறப்பதா வேண்டாமா என்று இரண்டு மனதுடன் தயங்கிக்கொண்டிருந்தபோதே அடுத்ததாகப் பறக்க ஓடிய இன்னொரு இளைஞரும் அதேபோல தடுமாறி விழுந்து காயமாகி... அதற்குள் விளிம்பு வந்துவிட... கிளைடரும் விரிந்து விட... அந்தக் காயத்துடனே பறந்துவிட்டதைப் பார்த்ததும் முடிவே எடுத்துவிட்டார்கள் அந்த அனுபவமே வேண்டாம் என்று.

அடுத்தடுத்து இரண்டு சம்பவங்கள், அதுவும் கண்ணெதிரே நடந்ததால் இவர்கள் பயந்தது நியாயம்தான். ஆனாலும் பறந்திருந்தால் அந்தப் பத்து நிமிட அனுபவமே தனிதான்’ என்று சொன்னார்.

ஒரு தொட்டி போல இருக்கும். அதில் ஏறி நின்றுகொள்ள வேண்டும். எட்டு பக்கங்களிலும் இழுத்துப் பிடித்திருக்கும் முரட்டுக் கயிறுகளை பட்டத்திற்கு நூல் விடுவது போல ஒரே நேரத்தில் ஊழியர்கள் மெல்ல மெல்ல விடுவிக்க... பலூன், அதன் அடியில் கேஸ் சிலிண்டர் மூலம் எரியும் நெருப்பின் வெப்பக் காற்றில் மேலே எழும். மேலே சென்றதும் மிதக்கும்.

மறுநாள். தரம்சலாவில் அமைந்துள்ள இமாச்சல் பிரதேஷ் கிரிக்கெட் ஸ்டேடியம் சென்றோம். குறைந்த கட்டணம் பெற்று ஸ்டேடியம் பார்க்க சுற்றுலாப் பயணிகளை குறிப்பிட்ட நேரத்தில் மட்டும் அனுமதிக்கிறார்கள். 

ஐபிஎல் மேட்ச்சுகள் தரம்சலாவில் நடக்கும்போது டெலிவிஷனில் பார்க்கும்போதே பனி வழியும் மலைகளின் பின்னணியில் அமைந்த அந்த ஸ்டேடியம் அத்தனை அழகாக இருக்கும். நேரில் பார்க்கும்போது இன்னும் அழகு. இந்தியாவில் மிக உயரமான இடத்தில் அமைக்கப்பட்டிருக்கும் கிரிக்கெட் ஸ்டேடியம் இதுதான். 22,000 பார்வையாளர்கள் அமர்ந்து பார்க்க இயலும்.அடுத்து நாங்கள் போகத் திட்டமிட்டது ரோத்தங் பாஸ் என்கிற பனிச் சிகரம்!