இந்தியாவில் குஜராத் மாடல், கேரளா மாடல், நம்ம ஊர் திராவிட மாடல்... போல் மேற்கு நாடுகளில் நார்டிக் (Nordic) மாடல் என்பது மிகவும் பிரபலம்.

நார்டிக் நாடுகள் என்று அழைக்கப்படும் ஸ்வீடன், நார்வே, டென்மார்க், ஃபின்லாந்து மற்றும் ஐஸ்லாந்து நாடுகளில் பொதுவாக அரசுகள் கடைப்பிடிக்கும் ஒருவகை பொருளாதாரம், கல்வி மற்றும் சமூகக் கொள்கைகளின் வெற்றிகரமான தாக்கங்களையே பல மேற்குலக நாடுகளில் நார்டிக்  மாடல் என்று செல்லப்பெயர் கொண்டு அழைக்கிறார்கள்.

பொருளாதாரத்தில் தனியார் மயம், சமூக திட்டங்களில் பொதுவுைடமை என்ற எதிரும் புதிருமான கலவைதான் நார்டிக் மாடலின் சூத்திரம். அதாவது பொருளாதாரத்தில் சுதந்திரமான சந்தை வர்த்தகம், அரசியல் சமூக ரீதியாக மக்கள் நல அரசு (welfare state) என்பதுதான் இந்த நார்டிக் மாடலின் கம்ப சூத்திரம்.

இந்தியாவில் மக்கள் நலன் மற்றும் அதனால் விளையும் இலவசங்களை ஏளனமாகப் பார்க்கும் நிலையில் கடந்த 70 வருடங்களுக்கும் மேலாக முதலாளித்துவத்தையும் சோஷலிசத்தையும் கலந்து கட்டி வெற்றிகரமான ஒரு மாடல் தேசங்களாக இருக்கும் நாடுகளில் ஒன்றான ஸ்வீடனில் குடும்பத்துடன் வசிக்கும் விஜய்சங்கர் அசோகன் கடந்தவாரம் சென்னையில் வெளியிட்ட ‘நார்டிக் கல்வி’ எனும் புத்தகம் நார்டிக் மாடலின் அடிப்படையான கல்வி எப்படி இந்த மாடலை ஒரு முன்னுதாரணமான மாடலாக மாற்றியது என்பது பற்றிப் பேசுகிறது.

அதாவது ஒவ்வொரு ஊரிலும் உள்ள நகராட்சி அந்த ஊர் மாணவர்களின் கல்வித் திறனை கணக்கில் எடுத்து அதற்கேற்ப ஆசிரியர்களோடு கலந்தாய்ந்து இந்த வழிகாட்டியை உருவாக்கியது.

உடல் உழைப்புக்கு அங்கே இரட்டிப்பு ஊதியம் என்பதால் கல்வியும் உழைப்பும் கைகோர்த்துச் செல்லும். படிப்புக்கு ஏற்ற வேலை. வேலைக்கு ஏற்ற மேற்படிப்புகளைப் படித்துக்கொள்ளலாம். மகிழ்ச்சிகரமான நாடு.

கருத்துச் சுதந்திரத்தில், ஜனநாயகத்தில், மனித உரிமைகளில், பாதுகாப்பு போன்ற மனிதவளக் குறியீடுகளில் நார்டிக் நாடுகளில் பல முதன்மையான நாடுகளான இருக்கின்றன...’’ என்று சொல்லும் விஜய்யிடம் முதலாளிகளிடம் அதிகப்படியான வரியை வாங்கித்தான் இந்த நாடுகள் மக்கள் நலன் அரசுகளாகச் செயல்படுவதாகவும், இந்த நாடுகளின் உற்பத்தி பெரிய அளவில் இல்லை என்றும் சில விமர்சகர்கள் சொல்கிறார்களே என்றால் சிரிக்கிறார்.