தமிழகத்தில் கொரோனா பாதிப்பு நாளுக்கு நாள் அதிகரித்து வந்த நேரத்தில், அதாவது 20 நாட்களுக்கு முன் தமிழக தொழில்துறை அமைச்சரான தங்கம் தென்னரசுவை சந்தித்தோம். அன்று ஒருநாள் பாதிப்பு 36 ஆயிரத்தைத் தாண்டிச் செல்வதும், உயிரிழப்பு 450 வரை எட்டியிருப்பதுமாக இருந்தன. 

ரெம்டெசிவிர் மருந்துக்கும், ஆக்ஸிஜனுக்கும் மக்கள் மருத்துவமனைகளில் தவியாகத் தவித்தனர். இதனையடுத்து ரெம்டெசிவிர் மருந்தை சம்பந்தப்பட்ட தனியார் மருத்துவமனைகளே அந்தந்த அரசு விற்பனை மையங்களில் வாங்கிக் கொள்ளலாம் என தமிழக அரசு அறிவித்து, அதற்காக கூடும் மக்களை ஆசுவாசப்படுத்தி இருந்தது.

அப்போதைய சூழலில் தமிழக அரசு ஆக்ஸிஜனுக்காக என்ன நடவடிக்கைகள் எடுக்கிறது என்பதை மக்களுக்குத் தெரிவிக்க எடுக்கப்பட்ட பேட்டி இது.இன்று கொரோனா தொற்றும், உயிரிழப்பும் கணிசமாகக் குறைந்துள்ள நிலையில் அன்று எடுத்த பேட்டி இப்போது முக்கியமற்று தெரியலாம்.ஆனாலும் அப்போது அமைச்சரிடம் எடுத்த நேர்காணலை இப்போது வெளியிடுகிறோம்.

காரணம், இது வெறும் பேட்டி அல்ல. ஆவணம். பெருந்தொற்று காலத்தில் ஒரு மாநில அரசு எப்படி துரிதமாக செயல்பட்டிருக்கிறது என்பதை மக்களுக்குத் தெரிவிக்க அன்று எடுத்த இப்பேட்டி பயன்படும்.இத்தனைக்கும் திமுக அரசு அப்போதுதான் பதவியேற்றிருந்தது. கஜானா காலி. இதற்கு மத்தியில் முதல்வர் மு.க.ஸ்டாலின் அவர்களின் தலைமையில் அமைச்சர்கள் மேற்கொண்ட பணி மெச்சக்கத்தக்கது.

அதுக்காக நாம் இங்குள்ள தொழிற்சாலைகளில் இருந்து ஆக்ஸிஜன் உற்பத்தி பண்ண முயற்சி செய்கிறோம். உதாரணத்துக்கு ஸ்டெர்லைட்ல இருந்து 30 மெட்ரிக் டன் கிடைக்கும். அதன் பணி இப்ப தொடங்கியிருக்கு. அப்புறம், சேலம் ஜேஎஸ்டபிள்யூ இரும்பு ஆலையில் இருந்து பத்து மெட்ரிக் டன் வரும்.

இப்படி நமக்கு இருக்கக்கூடிய வாய்ப்புள்ள இடங்கள்ல இருந்து ஆக்ஸிஜன் உற்பத்தி பண்ண முயற்சி எடுக்குறோம். அப்புறம், சென்னை பெட்ரோ கெமிக்கல் லிமிட்டெட்ல கிடைக்கிற ஆக்ஸிஜன் உற்பத்தியை வச்சு அங்க 500 படுக்கை வசதிகள் கொண்ட மையத்தை தயார் செய்திருக்கோம். நெய்வேலி லிக்னைட் நிறுவனம் சில இடங்கள்ல ஆக்ஸிஜன் பிளான்ட் போட்டுத் தர்றோம்னு முதலமைச்சரிடம் சொல்லியிருக்காங்க.

அப்படி வருகிற தொழில் நிறுவனங்களை ஊக்குவிக்கிற திட்டத்தைத்தான் கடந்த வாரம் முதலமைச்சர் அறிவிச்சாங்க. அதாவது, 50 கோடி முதலீட்டில் தடுப்பூசி, ஆக்ஸிஜன், ஆக்ஸிஜன் கான்சென்ட்ரேட்டர்ஸ் தயாரிக்கிறவங்க தொழில் தொடங்க முன்வந்தால் டிட்கோ மூலம் இணை பங்கேற்புடன் செய்ய விண்ணப்பங்களை வரவேற்று அறிக்கை வெளியிட்டு இருக்கோம்.