சீரியஸ் மென்

காந்தி ஜெயந்தி அன்று நெட்பிளிக்ஸில் வெளியாகி, இந்திய அளவில் அதிகம் பார்க்கப்பட்ட திரைப்படமாக டிரெண்டாகியிருக்கிறது ‘சீரியஸ் மென்’. இந்த இந்திப் படம் தமிழ் டப்பிங்கிலும் காணக் கிடைக்கிறது.ஒரு பக்கம் பாராட்டுகள் குவிந்தாலும் இன்னொரு பக்கம் தலித் சமூகத்தை தவறாக சித்தரிக்கிறது என்ற விமர்சனமும் இப்படத்துக்கு எழுந்துள்ளது.

பெற்றோர் தங்களின் கனவுகளை, ஆசைகளை குழந்தைகளின் மீது திணிக்கும்போது அந்தக் குழந்தை என்ன மாதிரியான இன்னல்களுக்கு ஆளாகிறது... அது பெற்றோர்களையும் எவ்விதம் பாதிக்கிறது... என்பதை போகிற போக்கில் சொல்லிச் செல்கிறது இந்தப் படம்.மும்பையில் உள்ள தேசிய அறிவியல் ஆராய்ச்சி நிறுவனத்தில் பெரிய பொறுப்பில் இருப்பவர் ஆச்சார்யா. உயர் சாதியைச் சேர்ந்தவர். ஏலியனைப் பற்றிய ஆராய்ச்சியில் பல தகிடுதித்தங்கள் செய்து தன்னை ஒரு பெரிய மேதை போல காட்டிக்கொள்கிறார்.