இந்த உலகத்தில் பயம் இல்லாதவர்கள் இல்லை. ஆனால் பயந்தால் வேலை நடக்காது. நான் சினிமாவுக்கு வந்தபோது கண்ணதாசன் குடும்பம் என்ற அடையாளத்தோடு வந்தேன். ஆனால் நான் நினைத்த மாதிரி வரவேற்பு இல்லை.

என்னை சந்தித்தவர்கள் அல்லது நான் சந்தித்த மனிதர்கள் ‘உங்க தாத்தாவின் பாடல்கள் பிடிக்கும்’ என்ற அளவில் மட்டுமே இருந்ததே தவிர  ‘நீங்க என்ன பண்றீங்க’ என்று கேட்டதில்லை. சினிமாவில் மட்டுமல்ல, எந்தத் துறையாக இருந்தாலும் உங்களுக்கான முகவரியை நீங்கள்தான் எழுத வேண்டும்.

என்னுடைய தொடக்கம் நல்லபடியாக ஆரம்பமாகியது. ஆனால் அந்தக் கட்டத்தில் ஆரம்பித்த மூன்று படங்கள் டேக் ஆஃப் ஆகவில்லை. அப்போது என்னுடைய ஃப்யூச்சரை நினைத்து பயந்தேன். ஆனால் அந்த பயம் நியாயமான பயமாக இருந்தது. 

அடுத்த ஸ்டேஜ் போவோமா, போகமாட்டோமா என்ற அளவில் இருந்தது. ஆனால் சினிமாதான் என்னுடைய எதிர்காலம் என்று தெரிவுசெய்துவிட்டதால் எதிர்நீச்சல் போட்டு போராடி வருகிறேன்.