‘முதல் மரியாதை’ ராதா போல ஜாக்கெட் அணியாமல் சினேகா நடிப்பாரா?

உங்களது ஆசை நிறைவேறி விட்டது. நாகார்ஜூனா நடிக்கும் ‘ராஜண்ணா’ தெலுங்குப் படத்தில் ஆதிவாசிப் பெண்ணாக நடிக்கிறார் சினேகா. படம் முழுக்க ஜாக்கெட் அணியாமல், சேலை உடுத்தி வருகிறாராம்.

‘ஒஸ்தி’ படப்பிடிப்பில் டைரக்டர் தரணிக்கு முழுமையான ஒத்துழைப்பு கொடுக்காமல், சிம்பு வம்பு செய்கிறாராமே?

நீங்கள் கேள்வி கேட்கிறீர்களா, தகவல் சொல்கிறீர்களா? தகவல் சரிதான். சினிமா பற்றி எல்லா விஷயங்களும் தெரிந்தவர் என்ப தால், மூக்கை நுழைக் கிறாராம். என்ன செய்வது?

கமல்ஹாசன் மலையாளப் படத்தில் நடிப்பதாக சொல்லப்படுகிறதே?

‘பழசிராஜா’ படத்தை தயாரித்த கோகுலம் கோபாலன் அடுத்து ஒரு படத்தை தயாரிக்க உள்ளார். திப்பு சுல்தான் மற்றும் வடக்கு மலபார் வீராங்கனை உன்னியர்ச்சா ஆகியோரைப் பற்றிய கதை. வயலார் மாதவன் குட்டி இயக்கும் அந்தப் படத்தில் கமல்ஹாசன் திப்பு சுல்தானாக நடிக்க உள்ளார்.

பார்த்திபன் நடித்துள்ள ‘மேல் விலாசம்’ படம் பற்றி சொல்லுங்கள் சிபி?

மாதவ் ராம்தாஸ் இயக்கிய படம். குற்றம் சுமத்தப்பட்டு விசாரணைக்கு உள்ளாகும் சவார் ராமச்சந்திரன் என்கிற ராணுவ வீரர் கேரக்டரில் பார்த்திபன் நடித்துள்ளார். படம் முழுக்க ஒரு அறைக்குள் மட்டுமே எடுக்கப்பட்டுள்ளது. கேப்டனாக சுரேஷ் கோபி நடித்துள்ளார். இந்தப் படம் தென் கொரியாவில் நடக்கும் பூசன் சர்வதேச திரைப்பட விழாவில் ‘எ விண்டோ ஆன் ஏஷியன் சினிமா’ என்ற பிரிவில் திரையிடுவதற்கு தேர்வாகி உள்ளது.

‘மங்காத்தா’வில் ஆண்ட்ரியா, அஞ்சலி, லட்சுமிராய் & யார் நடிப்பு சூப்பர்?

முக்கனிகள்.

சமீபத்தில் குறைந்த நாட்களில் எடுக்கப்பட்ட படம்?

ஸ்டண்ட் மாஸ்டர் ‘பஞ்ச்’ பரத் இயக்கத்தில் ஸ்ரீமான் நடித்துள்ள ‘இந்திர சேனா’ படம் 25 நாட்களில் எடுத்து முடிக்கப்பட்டது.