அதையே ருசிச்சு சாப்பிடுவேன். எப்போதும் வீட்டு சாப்பாடு தான். கல்யாணமாகி சென்னை வந்து பிசினசுக்குள் நுழைந்ததும் நிறைய வகை உணவுகளை எக்ஸ்புளோர் செய்ய ஆரம்பிச்சேன்’’ என்றவர் தன் வெளிநாட்டு உணவு பயண அனுபவங்களை பகிர்ந்தார்.‘‘ஹாங்காங் தான் நான் முதலில் சென்ற வெளிநாடு. அங்க எல்லா உணவிலும் மீன் எண்ணை சேர்ப்பாங்க.

அங்க பீஃப், போர்க் தான் நிறைய இருக்கும். சிக்கன் ஆர்டர் செய்தா ஒரு மாதிரி பார்ப்பாங்க. அங்க இருந்த மூணு நாட்களில் எப்ப நம்மூர் சாப்பாடு கிடைக்கும்ன்னு தவிச்சிட்டேன். அதன் பிறகு எந்த ஊருக்கு போனாலும் அந்த ஊர் உணவினை தேடி தேடிப் போய் சாப்பிட ஆரம்பிச்சேன். ஊருக்கு கிளம்பும் முன்பே, எந்த இடத்தில் என்ன உணவு இருக்கும்ன்னு ஒரு லிஸ்ட் தயாரிச்சுப்பேன்’’ என்றவர் அவர் சாப்பிட்ட வெளிநாட்டு உணவுகள் குறித்து பகிர்ந்தார்.