ஸ்கேட்டிங் என்பது பொதுவாக அயல்நாடுகளில் அதிகம் பயன்படுத்தும் ஒரு விளையாட்டு. வெளிநாடுகளுடன் ஒப்பிடும்போது இந்தியாவில் ஸ்கேட்டிங் விளையாடுபவர்களின் எண்ணிக்கை சற்று குறைவாகவே இருக்கும்.

அதிலும் தமிழ்நாட்டில் மிகமிகக் குறைவு. இப்படி இருக்கையில் தமிழகத்தின் தலைநகரான சென்னைக்கு அருகில் உள்ள மகாபலிபுரத்தைச் சேர்ந்த 12 வயது சிறுமி கமலி, வெறும் காலில் ஸ்கேட்டிங்கில் பயிற்சி பெற்று பல சாதனைகளை செய்து வருகிறார். அந்த வகையில் சமீபத்தில் மொஹாலியில் நடைபெற்ற 59வது தேசிய ரோலர் ஸ்கேட்டிங் சாம்பியன்ஷிப்பில் இரண்டாம் இடம் பிடித்து வெள்ளி வென்றுள்ளார் கமலி.

“அம்மா மகாபலிபுரம் பீச்சில் ஒரு கடை வச்சிருக்காங்க. ஸ்கேட்டிங் பத்திலாம் பெருசா ஏதும் தெரியாது. மாமா கோவா போய் சர்ஃப்பிங் கத்துட்டு வந்தாங்க. ஆரம்பத்தில் அவர் சொல்லிக் கொடுத்த சர்ஃப்பிங் மட்டும் பண்ணிட்டு இருந்தேன். அந்த நேரத்துல அவருடைய ஃப்ரண்ட் வேலு மாமா, ரோட்டில் ஏதோ ஒன்னு வச்சு பண்ணிட்டு இருந்தாங்க.

அதை பார்த்து நானும் சும்மா ட்ரை பண்ணேன். ரொம்ப பிடிச்சு போச்சு. அதில் ஆர்வமும் அதிகமானது. ஸ்கேட்டிங் ஆரம்பிக்கும் போது எனக்கு ஐந்து வயசு இருக்கும். ஸ்கேட்டிங் ரோட்ல எல்லாம் பண்ணக் கூடாதுனு, என்னுடைய ஆர்வத்தை பார்த்து ஹோலி ஸ்டோக்னு ஒரு கம்பெனிக்காரங்க, சின்னதா ஒரு ரேம் கட்டி கொடுத்தாங்க. ஸ்கேட்டிங் தனியா யாரும் எனக்கு சொல்லிக் கொடுத்தது கிடையாது.

“மகாபலிபுரம் பீச்ல ஒரு சோடா கடை வச்சிருக்கேன். வருஷத்தில் ஆறு மாசம் தான் இருக்கும். திடீர்னு தண்ணீர் வரும். இன்னிக்கு கடையில பொருள் கட்டி வச்சுட்டு வந்து அடுத்த நாள் போய் பார்த்தா இருக்குமானு கூட தெரியாது. அப்படி கடல் மாதிரி ஒரு நிலையற்ற வாழ்க்கை தான் எங்களுடையது.

இவ்வளவு கஷ்டங்கள் இருந்தாலும் பசங்களோட ஆசை தான் தெரிந்ததே தவிர, மற்ற விஷயங்களில் ஏதும் கவனத்தை அதிகம் எடுத்துக்கல. ஸ்கேட்டிங்கில் கமலி முதல் முறையா பெங்களூர் போய் போட்டியில் கலந்து கொண்டாள். என் பொண்ணு மூலமாதான் நானே முதல் முறையா சென்னையை தாண்டி வேறு மாநிலத்துக்கு போனேன். அந்த நேரத்தில் தான் ஒரு சிங்கிள் மதரா இருந்துட்டு பொண்ண இந்த அளவு கொண்டு வந்திருக்காங்கணு ஒரு ஆவணப்படம் எடுத்தாங்க.

கமலியின் வாழ்க்கையைப் படமாக எடுக்கப் போறோம்னு அவங்க சொல்லும் போது என் பெற்றோர்களும், ஊர்க்காரங்களும் ஒத்துக்கல. கடுமையா விமர்சிச்சு பேசுனாங்க. கமலியோட கை, கால்களை நான் உடைக்க நினைக்கிறேனு சொன்னாங்க. அது எல்லாம் கொஞ்சம் கூட பொருட்டா நான் எடுத்துக்கல.

நான் தொடாத உயரத்தை என் மகள் தொட வேண்டும் என்பதுதான் என் கனவு. என்னைப்போல ஒரு சிறிய வட்டத்துக்குள் அவள் அடைந்துவிடக்கூடாது என்பதில் தெளிவாக இருந்தேன். பொதுவா எல்லோரும் பெற்றவங்க பின்னாடி குழந்தைகளை கூட்டிட்டு போவாங்க. நான் அப்படி இல்லை. என்னுடைய குழந்தைங்க முன்னாடி போறாங்க. அவங்க பின்னாடி இருந்து என்னோட சப்போர்ட் கொடுத்துட்டு போய் ஒவ்வொரு படிக்கட்டா ஏற வைக்கிறேன். அது தான் என்னுடைய முயற்சியே தவிர வேறு ஏதும் இல்லை” என்கிற சுகந்தி, தேசிய அளவில் கமலி கலந்து கொண்ட அனுபவம் பற்றி பேசினார்.