கடின உழைப்புடன் பல வருடங்களாக ஐ.ஏ.எஸ் படிக்கும் பலரை பார்த்திருக்கிறோம். ஆனால் ஒரே முயற்சியில், அதிலும் முதல் முயற்சியிலேயே ஐ.ஏ.எஸ் பாஸ் செய்தவரை பார்ப்பது அதிசயம்தான். சென்னையைச் சேர்ந்த கீதா ரவிச்சந்திரன்தான், கடந்த ஆண்டு நடந்த சிவில் சர்வீஸ் தேர்வில் வெற்றி பெற்று, இந்திய அளவில் 109வது இடமும், தமிழக அளவில் 8வது இடமும் பிடித்து, முதல் முயற்சியிலேயே ஐ.ஏ.எஸ் தேர்ச்சி பெற்றுள்ளார். 

‘‘இதுல ரொம்ப சவாலான விஷயம்னா, பணமும் புத்தகமும்தான். அகாடெமில சேர்ந்து, பிரிலிம்னரி  மட்டும்தான் படிக்க முடிஞ்சுது. அடுத்தகட்ட பயிற்சிக்கு படிக்க பணம் செலுத்த முடியல. அந்த தொகையை எங்களால் சமாளிக்க முடியாது என்பதால், வீட்டில் இருந்தபடி நானே படிச்சேன்.

ஐ.ஏ.எஸ் படிக்க சி.பி.எஸ்.இ பாட புத்தகங்களும், பொது நிர்வாக புத்தகங்களும் தேவைப்பட்டது. அது வாங்கவும் என்னிடம் காசு இல்லை. அதனால வேலைக்கு செல்ல முடிவு செய்தேன். ஒரு பள்ளியில ஆசிரியையா வேலைக்கு சேர்ந்தேன். மாலையில் டியூஷனும் எடுத்தேன்.