தொல்பொருள் ஆராய்ச்சிகளின் படி, ஆதிமனிதனின் உணவில் முதன்மையானவற்றில் ஒன்றாகச் சொல்லப்படும் வால்நட், உடலுக்கு ஆரோக்கியமும், வாழ்க்கைக்கு வளமும் சேர்ப்பதால், ஒவ்வொரு ஆண்டும் மே 17, உலக வால்நட் தினமாகக் கொண்டாடப்பட்டு வருகிறது.

வால்நட் என ஆங்கிலத்தில் அழைக்கப்படும் வாதுமைக் கொட்டையின் தாவரப்பெயர் Juglans regia. தோன்றிய இடம் மத்திய ஆசியாவில் பெர்ஷியா. லத்தீன் மொழியிலிருந்து பெறப்பட்ட Juglans regia என்கிற தாவரப்பெயருக்கு, ராஜ மரியாதை கொண்ட கொட்டை மற்றும் கடவுளர்களின் கடவுளான ஜூப்பிடரின் விதை எனப் பொருளாம்.

இதிலுள்ள அதிக கலோரி குழந்தைகள், விளையாட்டு வீரர்கள் மற்றும் கர்ப்பிணிப் பெண்களுக்கு நல்ல பலன்களை அளிப்பதோடு, இதிலுள்ள ஆன்டி-ஆக்சிடென்ட், கனிமச் சத்து போன்றவை மனத் தளர்ச்சி, மறதி, முதுமை, வயோதிகத்தில் ஏற்படும் எலும்பு புரை, மூட்டு நோய், தசைசார் வீக்கம் இவற்றின் தீவிரத்தைக் குறைக்க உதவுகின்றன.

நோயெதிர்ப்பு சக்தியையும், புத்துணர்ச்சியையும் கூட்டி, அதிகப் பசியைக் கட்டுக்குள் வைத்து, செரிமான மண்டலத்தின் ஆரோக்கியத்தை அதிகரிப்பதுடன், உடல் பருமன், இதய நோய், பக்கவாதம், சர்க்கரை நோய், உயர் ரத்த அழுத்தம், அதிக கொலஸ்ட்ரால் போன்ற வாழ்க்கை முறை நோய்களையும் கட்டுக்குள் வைக்க உதவுகிறது. இதைத்தான், ‘Handful of Walnuts keeps the Heart Diseases away...’ என பரிந்துரைக்கிறது அமெரிக்க நாட்டின் பிரபல ஹார்வர்ட் பல்கலைக்கழகம்.

அலோபதியில், ‘வால்நட் அலர்ஜி’ தனி நோயாகவே கருதப்படுவதுடன், இதிலுள்ள தாதுப்பொருட்கள் சிலருக்கு ஒவ்வாமையை ஏற்படுத்தி, மூச்சுத்திணறல், உயிருக்கு ஆபத்தான நிலை எனக் கொண்டு செல்லும் என்பதையும் நினைவில் கொள்ள வேண்டும். 

இதிலுள்ள அதிகப்படியான கொழுப்பு எண்ணெய், எடையைக் கூட்டி, செரிமானத்தை குறைப்பதால், இதன் ஃபைடிக் அமிலம் மற்ற கனிமங்களின் உறிஞ்சுதலையும் குறைக்கும் என்பதையும் நினைவில் கொள்ள வேண்டும். வால்நட்டில் இருக்கும் டானின் மற்றும் ஃபைடிக் அமிலம் குறைய, 10 முதல் 12 மணி நேரம் வரை நீரில் ஊறவைத்து பிறகு உட்கொள்ளலாம்.

செப்டம்பர், அக்டோபர் மாதங்களில் காய்ப்புக்கு வரும் இவற்றின் முற்றிய கனிகளைப் பறித்துக் காயவைத்து, ஓட்டில் இருந்து பிரித்த பிறகே, பயன்பாட்டிற்கு அனுப்பப்படுகிறது. வால்நட் மரங்கள் சீனா, எகிப்து, ஐரோப்பிய, அமெரிக்க மற்றும் நேபாள நாடுகளிலும், இந்தியாவில் ஜம்மு-காஷ்மீர், சிக்கிம், மணிப்பூர் உள்ளிட்ட ஹிமாலயப் பகுதிகளிலும் விளைகின்றன.

வால்நட் சூப், ஸ்ட்யூ, சாஸ், சாலட், கேண்டி, கேக், ஐஸ்கிரீம், ஃபட்ஜ் போன்றவற்றில் பயன்படுத்தப்படும் வால்நட், விருந்தோம்பல்களில் இடம் பிடிக்கும் ராஜ வம்ச உணவாகக் கருதப்படுகிறது. அக்ரூட் அல்வா, வாதுமை லட்டு நம்மிடையே பிரபலம் என்பது போல, பக்லாவா (Baklava), மத்திய கிழக்கு நாடுகளின் பிரபல இனிப்புப் பண்டமாகும். 

இத்தாலியர்களின் பெஸ்ட்டோ தயாரிப்புக்கும், பெர்ஷியர்களின் ஃபெஸன்ஜென் தயாரிப்புக்கும் வால்நட்கள் பயன்படுத்தப்படுகிறது.கடினமான வெளிப்புறத்துடன், மென்மையான உட்புறமும் இணைந்து... மனித மூளையை மட்டுமல்ல, மனிதர்களின் வாழ்வியலோடும் பொருந்தி போகிற ஒன்று இந்த வால்நட் என்பதே நிதர்சனம்.

பப்பாளி பழத்தில் நிறைய மருத்துவ குணங்கள் இருப்பது யாவரும் அறிந்ததே. தற்சமயம் அதிகமாக கிடைப்பதால் மக்கள் வாங்கி விரும்பி சாப்பிடுகிறார்கள். ஆனால், அதன் விதைகளை நீக்கிவிட்டுத் தான் சாப்பிடுவர். 

விதைகள் பப்பாளியை விட நிறைய மருத்துவ குணங்கள் கொண்டது என்று ஆய்வாளர்கள் கூறுகின்றனர்.கல்லீரலுக்கு தேவையான, ஆரோக்கியமான போஷாக்கை தரும் விதைகள். ‘லிவர் சிரோசிஸ்’ போன்ற கல்லீரல் நோய்களை குணப்படுத்தும்.

பல வகையான ஆர்த்ரைடிஸ், மூட்டுவலி ஆகியவற்றை உண்டாக்கும். 

வீக்கத்தை குறைத்து வலியைப் போக்கும் .இவ்வளவு நன்மைகளை தரும் பப்பாளி விதைகளை வாரம் ஒரு முறையாவது உணவுடன் எடுத்துக் கொண்டு நோய்களை விரட்டலாம்.பப்பாளி விதைகளை உணவில் சேர்ப்போம், நோய்களிலிருந்து மீள்வோம்.