ஏமனின் ஹஜ்ஜா நகரில் குழந்தைகள் எலும்பும் தோலுமாக பெற்றோர்களின் கண்முன்னே பசியால் துடித்து இறந்து வருகின்றனர். உலகறிந்த காரணம், சவுதி அரேபியாவின் இரக்கமற்ற போர்வெறி. உள்நாட்டுச் சந்தையில் உள்ள காய்கறிகள், ரொட்டியைக் கூட வாங்கமுடியாத வறுமையில் ஏமன் நாட்டு மக்கள் தவித்து வருகின்றனர்.

அலி அல் ஹஜாலியின் கண்முன்னே அவரது மூன்றுவயது மகன் பசியால் இறந்ததும் அப்படித்தான். ஹூதிபுரட்சியாளர்கள் வடக்கு ஏமனைக் கட்டுபாட்டில் வைத்துள்ளனர். அவர்களை எதிர்த்து நடக்கும் போரில் வீசப்படும் ஏவுகணையால் பல நூறு மக்கள் பலியாகி வருகின்றனர்.