மாற்று மருத்துவம் என்ற சொல் இன்று மிகவும் பிரபலம். சித்த வைத்தியம் முதல் சைனீஸ் வைத்தியம் வரை சகலவிதமான பாரம்பரிய வைத்தியமுறைகளும் இன்று மாற்று மருத்துவமாகிவிட்டன. 

மேற்குலகில் உருவாகி உலகெங்கும் பரவியிருக்கும் அலோபதி மருத்துவம்தான் இன்றைய மக்கள் மருத்துவம். நோய்க்கூறுகளை அறிவதில் கடைப்பிடிக்கப்படும் விஞ்ஞானத்தன்மை; உடனடியாக பலன் கிடைப்பது; நீண்ட கால நோய்களுக்கும் சிறந்த தீர்வு என்று அலோபதி மருத்துவத்தின் சிறப்புகள்தான் இதற்கான காரணம். ஆனால், நமது பாரம்பரிய வைத்தியங்களும் பலன் தராமல் இல்லை.

எஷன்சியல் ஆயில்கள்: தாவரங்களில் இருந்து நீராவிமுறையிலும், பிழிந்து எடுக்கப்படும் முறையிலும் பெறப்படும் எண்ணெய்கள் இவை. உதாரணம், யூகலிப்டஸ் எண்ணெய், கிரேப் எண்ணெய்.

கேரியர் எண்ணெய்கள்: எண்ணெய் வித்துக்கள், விதைகளில் இருந்து பெறப்படும் டிரைசைகிளிசரைட்களின் நீர்த்த வடிவங்கள் கேரியர் எண்ணெய்கள் எனப்படும். உதாரணம், பாதாம் ஆயில்.

சிகிச்சைமுறைகள்: இந்த எண்ணெய்களில் இருந்து பெறப்படும் நறுமணங்களைக்  காற்றில் பரவவிடுவதன் மூலமும், பாதிக்கப்பட்டவரை நேரடியாக முகரச் செய்வதன் மூலமும், பாதிக்கப்பட்ட இடத்தில் தடவுவதன் மூலமும் சிகிச்சை அளிக்கப்படுகிறது. 

இந்த எண்ணெய்கள் காற்றில் கலப்பதற்கு பிரத்யேக ஆவியாக்கும் முறைகளும் நடைமுறையில் உள்ளன. அடர் நெடி இல்லாத எண்ணெய்கள் நேரடியாக சுவாசிக்கத் தரப்படுகின்றன. உடலில் பூசும் எண்ணெய்களில் நெடி அடர்த்தியாக இருக்கக்கூடும். தேர்ந்த நிபுணரின் ஆலோசனை இல்லாமல் பயன்படுத்துவதைத் தவிர்ப்பது நல்லது.

பாரம்பரிய சீன வைத்தியமுறை இது. அத்லெட்டிக் வீரர்களால் உலகம் முழுதும் தற்போது பிரபலம் அடைந்துள்ளது. கண்ணாடி, மூங்கில், மட்பாண்டம், சிலிக்கான் கப்கள் கொண்டு இந்த தெரப்பி செய்யப்படுகிறது. கப்பிங் குவளையில் ஆல்கஹால், மூலிகைச்சாறு போன்ற எரியும் திரவத்தை (Flammable liquid) நிரப்பி, அதை கொளுத்திவிட்டு, உடலின் தேர்ந்தெடுத்த புள்ளிகளில் அதைப் பதித்துவிடுவார்கள். 

குவளையில் ஆக்சிஜன் உள்ள வரை எரியும் நெருப்பு அணையும்போது, குவளைக்குள் வெற்றிடம் ஏற்படுகிறது. இதனால்  ஒருவித​ உறிஞ்சும் தன்மை​ (Suction​)​ ஏற்பட்டு, அந்தப் பகுதியில் உள்ள தோல் நீங்கும். இந்த சிகிச்சைமுறையால், உடலில் ரத்த ஓட்டம் அதிகரிக்கும் என மருத்துவ ஆய்வுகள் தெரிவிக்கின்றன.

இதை குரோமோதெரப்பி (Chromotherapy) என்றும் சொல்வார்கள். இதில், ஒளியில் இருந்து பெறக்கூடிய வண்ணங்களை வைத்து வைத்தியம் செய்வது ஒரு முறை. ஒளியைப் பயன்படுத்தாமல் பல வண்ணப் பொருட்களைக்கொண்டு செய்யப்படுவது இன்னொரு முறை. நிற மருத்துவத்தின்படி மனித உடல் வண்ணங்களால் தூண்டப்படுகிறது. 

உடலின் ஒவ்வொரு பகுதியும் முறையாக இயங்க வண்ணங்கள் காரணமாக இருக்கின்றன.  சிவப்பு நிறம் ரத்த ஓட்டத்தையும், ஆரஞ்சு நிறம் நுரையீரலையும், மஞ்சள் நிறம் ரத்தத்தையும், பச்சை நிறம் இதயத்தையும், நீல நிறம் தொண்டைப் பகுதியையும், இண்டிகோ நிறம் சருமத்தையும், ஊதா நிறம் தலைப் பகுதியையும் காப்பதாக இந்த மருத்துவமுறை சொல்கிறது.

ஐஸ் பேக்கில், ஐஸ் கட்டிகளைப் போட்டு உடலின் எந்த இடத்தில் பிரச்னை இருக்கிறதோ, அங்கு ஒத்தடம் கொடுப்பது ஐஸ் தெரப்பி. இதனால்,  ரத்த நாளங்கள் நன்கு தூண்டப்பட்டு, ரத்த ஓட்டம் சீராகும். 

அனைவருக்கும் நல்ல பலன் அளிக்கக்கூடிய சிகிச்சை இது. குழந்தைகள் முதல் முதியவர்கள் வரை அனைவரும் செய்யலாம். தசைப்பிடிப்பு, கை, கால்வலி, ஒபிஸிட்டி, உயர் ரத்த அழுத்தம், வெரிகோஸ் வெயின், தைராய்டு பிரச்னைகள் போன்றவற்றுக்கு ஐஸ் தெரப்பி நல்ல தீர்வு.

டயட், யோகா, பிசியோதெரப்பி, அக்குபஞ்சர், அக்குபிரெஷர், உடற்பயிற்சி, வாழ்க்கைமுறை மாற்றம், உளவியல் ஆலோசனை, கைரோபிராக்டிக் தெரப்பி, காந்த சிகிச்சை போன்ற சிகிச்சைகள் மூலம் நோயாளியின் பிரச்னைகளைக் களைவதால் இது முழுமையான தெரப்பி (ஹோலிஸ்டிக்) எனப்படுகிறது.

எலும்பு, மூட்டு சம்பந்தமான பிரச்னைகள், ஒற்றைத் தலைவலி, அடிக்கடி தலைச்சுற்றல், வெர்ட்டிகோ தலைவலி, வயிற்றுப்போக்கு மற்றும் பல்வேறு பிரச்னைகளுக்கு இந்த சிகிச்சை மூலம் எளிதில் தீர்வு கிடைக்கும்.  

காந்தத்தைக் கொண்டு உடலில் காந்த அலைகளைப் பரவச் செய்வதன் மூலம் உடலின் மின்காந்த அலைகளைத் தூண்டும் சிகிச்சை காந்த தெரப்பி எனப்படுகிறது. இதில், எலெக்ட்ரோ மேக்னெட் தெரப்பி, நிரந்தர காந்த தெரப்பி என இருவகை உள்ளன. பாதிக்கப்பட்டவர்களை ஒரு நாற்காலியில் அமரவைத்து அவர்களின் கை, கால் மூட்டுகள், கழுத்துப்பகுதி, கணுக்கால் ஆகிய இணைப்புகளின் இருபுறமும் காந்தங்கள் பொருத்தப்படும். 

காந்தத்தின் எதிரெதிர் துருவங்களில் இருந்து பரவும் காந்த அலைகள், உடலில் பாய்ந்து நமது உடலின் மின் காந்தத்தைத் தூண்டுவதன் மூலம், நமது நரம்புமண்டலம், ரத்த ஓட்டம் சீராகும். இதனால், கை, கால் மூட்டுகளில் ஏற்படும் வலி, உடல் அசதி நீங்கும். ரத்த ஓட்டம் அதிகரிக்கும், நரம்பு மண்டலம் சீராகச் செயல்படும்.